ھونەرمەندێ ناڤدارێ کورد بەیتۆجان پشتی چەند سالان ژ تێکۆشینا ب نەخوەشیێ رە، شەڤا بۆری ل سوێدێ کۆچا داویێ کر.ھونەرمەندێ ناڤدار بەیتۆجان شەڤا بۆری د تەمەنێ 68 سالیێ دە ل نەخوەشخانەیەکا ستۆکھۆلمێ کۆچا داویێ کر.
برایێ بەیتۆجان ئادارجان ئەڤ نووچە پشتراست کر و گۆت، نھا ئەو ژ بۆ ڤەشارتنا تەرمێ بەیتۆ جان مژوولی رێکارێن یاسایی نە.
تەندورستیا بەیتۆجان ئەڤ چەند سالن نە جیگر بوو و ل سەر تۆرێن جڤاکی گەلەک جاران نووچەیێن مرنا وی ھاتبوو بەلاڤکرن.
بەیتۆجان یەک ژ ناڤدارترین ھونەرمەندێن کورد بوو و پرانیا ژیانا خوە ژ بۆ خزمەتا ھونەرا کوردی تەرخان کربوو. ئەو سالا 1955 دە ل فارقینا پارێزگەھا دیاربەکرێ ژدایک بووبوو و ژ سالا 1991ێ ڤە ل سوێدێ دژیا.
