هه‌په‌گێ بیلانچۆیا 3 رۆژێن رابووری یێن شه‌ر راگهاندن و ل گۆری وێ 19 له‌شكه‌رێن ترك، ب ده‌ستێ چه‌كدارێن وێ هاتنه كوشتن.
هه‌په‌گێ باسكێ له‌شكه‌ری یێ پارتیا كاركه‌ران، ئیرۆ رۆژا سێشه‌می 12/9/2023 بیلانچۆیا 3 رۆژێن رابووری ئانگو 10-11 و 12 ئیلۆنا 2023ان یێن شه‌رێ خوه و ئارتێشا تركیێ ئاشكه‌ره كر و گۆت كو چه‌كدارێن وان 19 له‌شكه‌رێن ترك كوشتنه، ب ده‌هان بریندار كرنه.
هه‌په‌گێ د داخویانیا خوه ده گۆت كو «چه‌كدارێن مه ب روحێ فه‌دایی یێ ئاپۆ 19 له‌شكه‌ر كوشتنه»!.
هه‌په‌گێ وێنه‌یا ت یێك ژ وان چالاكیێن كو ئه‌و عه‌سكه‌ر تێده هاتنه كوشتن پارڤه‌نه‌كر و ته‌نێ وێنه‌یا 2 چه‌كدارێن خوه یێن زارۆك دانایه، وه‌كه هه‌وله‌كێ ژ بۆی ڤه‌شارتنا ڤێ ده‌ره‌وا خوه یا ب شاخ.
ژ پشتی هلبژارتنێن ئیسال یێن تركیێ ئه‌ڤ ده‌ما دو مه‌هانه، پارتیا كاركه‌ران هه‌ر ل ناڤبه‌را چه‌ند رۆژان بیلانچۆیا شه‌رێ خوه یێ بێ واته ل گه‌ل ئارتێشا تركیێ پارڤه‌دكه و هه‌ر جارێ دبێژه مه ئه‌وقاس له‌شكه‌ر كوشتنه، لێ به‌لێ ئه‌ڤ ته‌نێ شه‌ره‌كی مه‌دیایی یه و كوشتنا ت له‌شكه‌ران ل هۆلێ تونه.
