چه‌ته‌یێن «جوانێن شۆره‌شگه‌ر» كه‌چه‌كه دن ئا كورد ل رۆژئاڤا كوردستانێ ره‌ڤاندن و مالباتا وێ ده‌ركه‌تن جادێ و خوه‌ستن كه‌چا وان بێ ڤه‌گه‌راندن.
چه‌ته‌یێن ب ناڤێ «جوانێن شۆره‌شگه‌ر» باسكێ جوانان یێ پارتیا كاركه‌ران ل رۆژئاڤا كوردستانێ، ل ده‌ستپێكا ئیلۆنا ئیسال 2023ان كه‌چه‌كه كورد ب ناڤێ «ئینان ئۆسمان» كو ته‌مه‌نا وێ ل ژێر 15 سالیێ ده یه، ژ باژارێ قامشلۆ ره‌ڤاندن و برن جیهه‌كێ نه‌دیار.
دوهـ رۆژا سێشه‌می 12 ئیلۆنێ، مالباتا ڤێ زارۆكێ ده‌ركه‌تن جادێ و بانگ ل پارتیا كاركه‌ران كرن كو كه‌چا وان بێ ڤه‌گه‌راندن ژ بۆ كو خوه‌ندنا خوه ده‌وام بكه.
«جوانێن شۆره‌شگه‌ر» گرۆپه‌كه گرێدایی پارتیا كاركه‌رانه، راسته راست ب ته‌علیماتێن جه‌میل باییك ل رۆژئاڤا كوردستانێ ته‌ڤدگه‌ره، كارێ وێ ره‌ڤاندنا زارۆكێن كوردانه ژ بۆ كو وان بكن چه‌كدار و ب دارێ زۆرێ ته‌ڤلی پارتیا كاركه‌ران و باسكێن وێ بكن.
