شاندا حکوومەتا ھەرێما کوردستانێ یا ب سەرۆکاتیا سەرۆکوەزیر مەسروور بارزانی لگەل سەرۆکوەزیرێ ئیراقێ جڤیا.
شاندا حکوومەتا ھەرێما کوردستانێ ب سەرۆکاتیا سەرۆکوەزیر مەسروور بارزانی ل بەغدایێ لگەل سەرۆکوەزیرێ ئیراقێ محەمەد شیاع سوودانی جڤیا.
شاندا حکوومەتا ھەرێما کوردستانێ پشتی جڤینا لگەل سوودانی، دێ ل کۆشکا سەلام لگەل سەرۆککۆمارێ ئیراقێ لەتیف رەشید و پشترە لگەل سەرۆکێ پارلامەنتۆیا ئیراقێ محەمەد حەلبووسی بجڤە.
شاندا ھەرێما کوردستانێ ب سەرۆکاتیا سەرۆکوەزیر مەسروور بارزانی پشتی جڤینا لگەل ھەر سێ سەرۆکاتیێن ئیراقێ، دێ لگەل ئالیێن سیاسی یێن ئیراقێ یێن کو د ھەڤپەیمانیا برێڤەبرنا دەولەتێ دە نە، بجڤە.
پەیامنێرێ مە دا زانین، شاندا بلندا حکوومەتا ھەرێما کوردستانێ دخوازە لگەل سازیێن فەرمی یێن ئیراقێ و ئالیێن سیاسی ل سەر مافێن دارایی یێن ھەرێما کوردستانێ یێن کو د یاسایا بوودجەیێ دە ھاتینە بجھکرن لێ ژ بۆ ھەرێما کوردستانێ نەھاتنە شاندن، گۆتووبێژان بکە.
شاندا حکوومەتا ھەرێما کوردستانێ داخواز دکە کو کارمەندێن ھەرێما کوردستانێ وەک کارمەندێن پارێزگەھێن دن یێن ئیراقێ د دەما خوە دە مووچە وەربگرن. ھەروھا داخواز دکە مووچەیێ فەرمانبەرێن حکوومەتا ھەرێما کوردستانێ ژ مژارێن دن یێن سیاسی بێ جوداکرن.
