مەدیایا پەکەکێ دیسا نووچەیێن فتنێ ل سەر چوونا ھێزێن پێشمەرگە بۆ سیدەکان بەلاڤ کرن
مەدیایا پەکەکێ ب نووچەیێن خوە دژمناتیا کوردان ددۆمینە. ھەری داوی ژی نووچەیێن دەرەو ل سەر چوونا ھێزێن پاسەوانێن سینۆر بۆ دەڤەرا سیدەکان کو د بن گەفا ھێزێن ئیرانێ دەیە بەلاڤ کرن. د نووچەیا خوە دە پەکەکێ ھەول دا تەڤگەرا لەشکەری ل ڤر وەکە کو ئێریشەک ل دژی وان بهێت کرن نیشان بدە.
ئیرۆ یەکینەیا پاسەوانێن سنۆر یا ئیراقێ تەقوییا لەشکەری بۆ دەڤەرا سیدەکان کو ژ ئالیێ ئیرانێ ڤە د بن مەترسیێ دەیە، کر. دو رۆژ بەرێ پارتیێن رۆژھلاتێ کوردستانێ ژ کامپێن خوە یێن لەشکەری یێن ل ڤێ ھەرێمێ دەرکەتن و چوونە جھەکی نەدیار و دووری سینۆر. ھێزێن پاراستنا سینۆر پێویست دیتن کو بچن ھەرێما کو پارتیێن رۆژھلاتێ کوردستانێ شووندا ھشتنە بگرن.
ژ بەر کو ئەڤ ھێز ھێزێن فەرمی بوون، دێ پێشی ل ئێریشێن ئیرانێ گرتبا یان ژی ئەگەر ئێریشەک چێببوویا دا لگەل ھێزێن فەرمی روو ب روو هێن.
نووچەیا سەختەکاریێ یا ANFێ
نووچەیا ب سەرناڤێ “نێزیکی 20 ترومبێلێن زریپۆشیێن پەدەکێ ل سەر رێیا سیدەکانێ نە” دوھ ژ ئالیێ ئاژانسا فرات نیوس یا پەکەکێ ھات وەشاندن. د نووچەیێ دە ئەڤ ئاگاھی ھاتن دایین: “ھێزێن کو دەرکەتنە دێ ب ترومبێلێن لەشکەری یێن کو پەدەکێ ژ دەشتا ھەیاتێ و دەشتا حەریرێ ب رێ کەتنە، ئێریشی گۆشینێ، زێنی یا سێنوونێ و بەربزنا بکن.
ب ڤێ نووچەیێ پەکەکێ خوەست وێ تێگھشتنێ چێبکە کو “پێشمەرگە ژ بۆ ئێریشکرنا ھێزێن پەکەکێ چوونە ھەرێمێ”. ژ مێژ ڤە پەکەکە دخوازە ھنجەتەکێ چێبکە کو ئێرشی ھێزێن پێشمەرگە بکە. ھەری داوی دووران کالکان گۆت، “ئەگەر مەتینا، گارە یان ژی خنێرە پێشمەرگە گاڤەکێ باڤێژن ئەو دێ دەست ب شەری کن” و دەستنیشان کر کو ژ بۆ ئێریشی ھێزێن پێشمەرگەیان بکن ل ھنجەتان دگەرن.
بەشێ سۆرانی یێ رۆژنیوسێ ئەڤ نووچە ب ئاوایەکی جودا راگھاند
رۆژنیوس کو د ھەمان دەمێ دە دەزگەھێ مەدیایی یێ پەکەەکێ یە و ل سلێمانیێ وەشانێ دکە، ب دو ئاوایێن جودا ئەڤ نووچە راگھاند. بەشێ ترکی ب ئاوایەکی بەرەڤاژی مینا ANFێ نووچە بەلاڤکر. لێ بەشێ سۆرانی گۆت، “ھێزێن پاراستنا سینۆر ژ بۆ جھێ کو ھێزێن پاکێ یێن حوسەیین یەزدانپەنا ھشتبوون بگرن چوون ھەرێمێ.”
تێ گۆتن کو بەشێ سۆرانی ژ بەر بەرتەکا رایا گشتی و پارتیێن رۆژھلاتی ترسیا ئەڤ نووچە وھا بەلاڤکر.
راگەھاندنا پەکەکێ؛ ل دژی ھەرێما کوردستانێ زمانێ دژمنی ب کار تینە
ھەر گروپەکی مەدیایێ نێزیکی ھندەک لایەنایە و ل گۆری وێ سیاسەتێ دکە. لێ چاپەمەنیا پەکەکێ د بەلاڤکرنا نووچەیێن دەرەو دە د ئاستا ھەری بێەخلاقی دە کار دکە. ب تایبەتی ژی دەما مژار دبە مژارا کوردستانێ، بێی کو بەرژەوەندیێن کوردان ل بەر چاڤان بگرە دژبەریێ دکە. مەدیایا پەکەکێ ب مەھانە ھەول ددە کو ئێرشی ھەرێما کوردستانێ بکە و دخوازە سیاسەتمەدارێن شیعە و دەولەتا ئیراقێ پشتەڤانێ وێ بن. د ھەری داویێ دە نووچەیێن ل سەر سیدەکان بەلاڤکری ھەم خزمەتا ئیرانێ و ھەم ژی یا ئیراقێ دکن.
ھێزا رەوایا پێشمەرگێ کوردستانێ وەک ھێزێن پەدەکێ دنرخینە و بێرێزییێ ب تەکۆشینا سەد سالی یا کوردان دکە.
