پارتیا كاركه‌رێن كوردستانێ ئه‌ڤ چه‌ند رۆژن ما‌شینا ده‌ره‌وان دایه كار و هه‌ر رۆژ دبێژه مه كۆمێن عه‌سكه‌رێن تركان كوشتنه، ئیرۆ ژی گۆت: «ژ بلی كو مه كۆمێن عه‌سكه‌ران كوشتنه، مه دو هه‌لیكۆپته‌ر ژی ده‌رب دا نه»!.
هه‌په‌گێ باسكێ له‌شكه‌ری یێ پارتیا كاركه‌ران، ئیرۆ رۆژا پێنجشه‌می 14/9/2023 بیلانچۆیا 2 رۆژێن رابووری ئانگو 12-13 ئیلۆنا 2023ان یێن شه‌رێ خوه و ئارتێشا تركیێ ئاشكه‌ره كر و گۆت كو چه‌كدارێن وان 12 له‌شكه‌رێن ترك كوشتنه، ب ده‌هان بریندار كرنه.
هه‌ر وها ئاشكه‌ر كر كو ل هه‌رێما زاپێ چه‌كدارێن وان دو هه‌لیكۆپته‌ر ده‌رب دا نه!.
ژ پشتی هلبژارتنێن ئیسال یێن تركیێ ئه‌ڤ ده‌ما دو مه‌هانه، پارتیا كاركه‌ران هه‌ر ل ناڤبه‌را چه‌ند رۆژان بیلانچۆیا شه‌رێ خوه یێ بێ واته ل گه‌ل ئارتێشا تركیێ پارڤه‌دكه و هه‌ر جارێ دبێژه مه ئه‌وقاس له‌شكه‌ر كوشتنه، لێ به‌لێ ئه‌ڤ ته‌نێ شه‌ره‌كی مه‌دیایی یه و كوشتنا ت له‌شكه‌ران ل هۆلێ تونه.
