ئیسماعیل عۆسمان نەجاد و حەمدی جابر موحەمەد ئەمین دو جوانێن لەھەنگێن گەلێ کورد بوون، ھەر دو ژ رۆژئاڤا بوون، ھەر دو پێشمەرگە بوون. و مخابن ھەر دو ژی د کەمینا ھۆڤانەیا پەکەکێ دە شەھید کەتن.
د 15 ئیلۆنا 2021 دە ل نێزی باژارۆکێ دینارتێ یێ سەر ب ئاکرێ ڤە د ئەنجاما تەقینا ماینەکێ دە کو ژ ئالیێ کۆمێن چەتەیێن گرێدایی پەکەکێ ڤە هاتبوون چاندن ئەڤ 2 پێشمەرگە شەھید بوون. ھەردو زەوجی بوون و زارۆکێن وان ھەبوون. ل سەر داخوازا مالباتێن وان تەرمێن وان ل دھۆکێ ھاتن ب ئاخێ سپارتن.
چ قەومی؟
ئێڤاریا رۆژا بوویەرێ، ل گوندێن کانی تۆز یێ باژارۆکێ دینارتێ یێ ناڤچەیا ئاکرێ، د دەما دەرباسبوونا ئۆتۆمۆبیلەکا پێشمەرگەیان دە، تەقەمەنیا دەستچێکری کو ل سەر رێ ھاتبوو بجھکرن، ھات تەقاندن.
چەتەیێن گرێدایی پەکەکێ ل ھەرێمێ 4 مایین دانین. ژ ڤان 2 مایین ژ بۆ ترومبێلێن پێشمەرگەیان ل نیڤا رێ ھاتن دانین. ھەر دویێن دن ژی ل کێلەکا رێ ھاتبوون دانین و ژ بۆی کو ل ھەمبەر پێشمەرگەیێن کو دخوەستن دەستوەردانێ د بوویەرێ دا بکن، بتەقینن. دەما پێشمەرگە دچن دەستوەردانێ بکن مایینەک دن تێ تەقاندن. ل ڤر پێشمەرگەیان 2 شەھید دان.
مینەیەکە دن ژی 5 مەتران دووری ئامبوولانسا کو ژ بۆ راکرنا برینداران ژ بۆی نەخوەشخانەیێ دچوو، تەقیا. مایینەک ژی ژ ئالیێ پێشمەرگە ڤە تێ ژناڤبرن.
ل نێزی مایینا کو ب ترومبێل و ئامبولانسێ دە ھاتیە تەقاندن تێ دیتن کو مایینەکە سەد کیلۆیی ھاتیە ئامادەکرن.
ئاوایێ کو پەکەکێ چالاکی ل دار خستیە و خوەزایا ماینان نیشان ددە کو ئارمانجا تەقینێ شەهیدکرنا پێشمەرگەیان بوویە و ژ بەر نەفرەتێ پێک ھاتیە.
پەکەکە هێژان ژی ھەمان سیاسەتێ ددۆمینە
پەکەکە ل گۆری رۆژەڤا کۆلۆنیالیستان ل کوردستانێ تەڤدگەرە، ھەم جوانێن خوەیێن کورد و ھەم ژی کوردێن دن ددە کوشتن و د کوشتنا یێن دن دە دودل نینە. دەما کو بەرژەوەندیێن پەکەکێ دکەڤن خەتەرێ ژیانا مرۆڤان دکە قوربان.
پەکەکە نھا ژی ھەمان سیاسەتێ ددۆمینە. سەرکردەیێن پەکەکێ ب تایبەتی د ڤان مەھێن داوی دە ئیشارەت ب “ئێریشا ل سەر پێشمەرگە” دا. پەکەکە ژ بۆی رەوا نیشاندانا ڤان ئێریشێن خوە ئیدیعا دکە کو ئێریش ل وان هاتیە کرن.
