د ئێریشا درۆنەکە ترکیێ دە، 2 ئەندامێن هێزێن ئەولەکارییا هوندرین (ئاساییشا په‌یه‌دێ) هاتن كوشتن و 8 کەس بریندار بوون.
ناڤەندا راگهاندنێ یا هێزێن ئەولەکاریا هوندرین د داخویانیەکێ دە راگهاند، درۆنەکە ترکیێ ئۆتۆمۆبیلەک ل سەر رێیا قامشلۆ – عاموودێ کر ئارمانج و د ئەنجامێ دە 2 ئەندامێن ئاساییشێ جانێ خوە ژدەست دان.
د داخویانیێ دە هاتیە گۆتن، درۆنەکێ وەلاتیێن کو هەول ددان برینداران خلاس بکن ژی بۆمبەباران کر و د ئەنجامێ دە 8 کەس بریندار بوون.
ژ دەستپێکا 2023ان ڤە، درۆنێن ترکیێ ب دەهان جاران ناڤچەیێن رۆژئاڤایێ کوردستانێ و ناڤچەیێن د دەستێ رێڤەبەریا خوەسەر دە کرنە ئارمانج و ب دەهان کەس هاتنە کوشتن و بریندارکرن.
