ژ فەرماندارێن ھێزا تایبەت یا پەکەکێ ئیمان مەحموود دەروێش حوسەیین ب ناڤێ کۆد شەرڤین سەردار ژیانا خوە ژ دەست دا. د 1ێ ئیلۆنێ دە ل منبجێ د ئەنجاما ئێریشا ھەوایی یا ل دژی وەساییتەکێ دە ئیمان حوسەین و 2 شەرڤانێن پێ رە ژیانا خوە ژ دەست دان. چاڤکانیێن ھەرێمی دیار دکن کو شەرڤین سەردار ئەنداما ھێزێن تایبەت یێن پەکەکێ و بەرپرسێ تابوورا نەمران بوو.
ئیمان مەحموود د سالا 1980 دە ل باژارێ دربەسیێ یێ رۆژئاڤا ژ دایک بوو. د سالا 1998 دە تەڤلی ناڤا رەفێن پەکەکێ بوو. پشتی پەروەردەیەکە کورت بەرێ خوە ددە باشوورێ کوردستانێ. پشتی کو ل ھەرێمێن مەتینا و زاگرۆسێ ما، د سالا 2000 دە تەڤلی ناڤا ھێزێن فەدایی بوو، ل سەر چەک و تەکتیکا ئارمانجکرنێ پەروەردە دیت.
ئەو پاسەوانا جەمیل بایک بوو
شەرڤین سەردار د ناڤا ھێزێن تایبەت دە نە کەسەکا ناڤدار بوو، لێ د سالا 2009 دە بوو پاسەوانا جەمیل بایک. د ئەرکا پاسەوانی دە ژ ئالیێ جەمیل بایک ڤە دەم ب دەم ب ئەرکێن تایبەت ئەو د شاند رۆژئاڤا.
د سالا 2012 دە ب گوھەرتنا رەوشا ھەرێمی شەرڤین رۆژئاڤا ئەکتیف ھاتە وەزیفەدارکرن. شەرڤینێ ژ سالا 2013 ڤە ل رۆژئاڤا کار دکر. ل دژی کادرۆیێن کو نێزی جەمیل بایکن و دخوازن ل رۆژئاڤا ژ پەکەکێ دوور و سەربخوە تەڤبگەرن، ب توندی دسەکنی. تێ دیارکرن کو وێ رەخنەیێن توند ل رێڤەبەرێن رۆژئاڤا ل زاخۆ زاگرۆس و ئاسیا عەبدوللا گرتنە. ھاتە دیارکرن کو خەباتکارێن رۆژئاڤا ئەو وەکە سیخۆرا جەمیل بایک بناڤ دکرن.
شەڤینێ لگەل شاندەیێن لەشکەری یێن بیانی دانوستاندن دکرن
ئیمان مەحموود (شەڤین سەردار) ژی بەریا نھا بەشداری کۆما کو ل سەر ناڤێ یەبەژێ و یەپەگێ سەرەدانا پراگێ کری دە جھ گرت بوو. تێ گۆتن ژ بەر کو پەکەکە پێباوەر بوو ئەو لگەل فەرماندارێن لەشکەرێن بیانی دروونشت و ھەڤدیتن دکر.
ھەر چەند شەرڤین سەردار خوەدی جھەکی گرینگ بوو ژی، لێ پەکەکێ خوەست ناسنامەیا وێ ڤەشێرە. تەنێ ئەو وەکە رێڤەبەرا یەپەژێ ھات ناساندن.
