ئیرۆ دانێ نیڤرۆ د بالەفرخانەیا چاندنیێ یا عەربەتێ یا سەر ب سلێمانیێ ڤە تەقینەکە بهێز روو دا، تەڤی کو تا نھا نە دیارە تەقین بوویە یان ژی بۆمبەباران، لێ ھەژمارەکە مەزن ژ وان کەسێن کو ل ور پەروەردە ددیت ھاتنە کوشتن.
ل گۆرا ئاگاهیان، د بوویەرا بالەفرخانەیا عەربەتێ دە هەری کێم 15 کەس بریندار بوونە و 6 کەسان ژی جانێ خوە ژ دەست دانە.
فرۆکەخانەیا عەربەتێ پێش 6 مەهان ژ بالەفرخانەیا تایبەت ب چاندنیێ هاتیە ڤەگوهەراندن ژ بۆی کامپەکە پەروەردەکرنا لەشکری و گومان تێ کرن ژ بلی دژە تەرۆرا یەنەکێ هن چەکدارێن نە یاسایی ژی د ڤێ بالەفرخانەیێ دە بووبن لۆما هاتبە بۆمبەبارانکرن.
باژارۆکێ عەربەت دکەڤە دووراتیا 20 کم ژ رۆژهلاتێ پارێزگەها سلێمانیێ و هەژمارا ئاکنجیێن ڤی باژارۆکی نێزی 42 هەزار کەسانە.
ئەڤ بالەفرخانە سەر ب حکوومەتا فەدەرال یا ئیراقێ یە و د دەما رابووری دە هیزێن دژە تەرۆرێ یێن سەر ب یەنەکێ ڤە ل ڤر نماییشا لەشکری ئەنجام دابوو.
