رێخستنا په*كه*كێ د ده‌ما 20 رۆژێن رابووری ده، كوشتنا 116 له‌شكه‌رێن ترك ل باشوورێ كوردستانێ راگهاندیه، ته‌ڤی ده‌رب دانا پێنج شه‌ش هه‌لیكۆپته‌ران، بێ حسێب ژی عه‌سكه‌ر بریندار كرنه!.
هه‌په‌گێ باسكێ له‌شكه‌ری یێ په*كه*كێ ژ رۆژا 2 ئیلۆنا ئیسال 2023ان ڤه، 13 نووچه ل مه‌دیایا رێخستنێ پارڤه‌كرنه د وان نووچه‌یان ده گۆتیه كو وان 116 عه‌سكه‌رێن ترك كوشتنه، زێده‌ی 5 هه‌لیكۆپته‌ران ده‌رب دانه، نایێ هه‌ژمارتن عه‌سكه‌ر بریندار كرنه و چه‌په‌ر ئیمها كرنه.
هه‌په‌گێ د ته‌ڤ وان 13 نووچه‌یێن پڕ خویناوی ده، وێنه‌یا گه‌ریلایێن كه‌چ یێن هێژان د ته‌مه‌نا زارۆكتیێ ده پارڤه‌كرنه و وێنه‌یا ت چالاكیه‌ك ژ وان یێن كو عه‌سكه‌ر تێ ده هاتنه كوشتن، پارڤه‌نه‌كرنه.
هه‌په‌گێ د بیلانچۆیا ته‌باخێ ژی ده گۆت بوو كو وان 134 عه‌سكه‌رێن ترك كوشتنه و سێ جار هندی وان بریندار كرنه، هه‌لیكۆپته‌ر ده‌رب دا نه ب كورتاسی ئه‌ڤ دو مه‌هن ل سه‌ر سه‌رێ عه‌سكه‌رێ ترك فه‌رمانه و په*كه*كێ قڕا وان ئانی یه، لێ ته‌نێ د مه‌دیایێ ده نه ل قادا شه‌ر!.
هه‌گه‌ر ئه‌ڤ نووچه‌یێن په*كه*كێ راست بن و ئه‌و قاس عه‌سكه‌رێن داگیركه‌ر هاتبن كوشتن پێویسته كێفا هه‌ر كورده‌كی بێ، لێبه‌لێ په*كه*كه ته‌نێ ڤان نووچه‌یێن ده‌ره‌و ژ بۆی خاپاندنا گه‌ل پارڤه‌دكه و ده‌ستڤه‌به‌ردانا خاكا كوردستانێ بۆ تركیێ پێ ڤه‌دشێره.
