ترکیە هشیاریێ ددە بافل تالەبانی
وەزیرێ بەرەڤانیێ یێ ترکیێ یاشار گولەر راگهاند، ئەو بەردەوام هشیاریێ ددن بافل تالەبانی و داخوازێ ژێ دکن دەست ژ پشتگریا په*كه*كێ بەردە.
یاشار گولەر ل سەر زێدەبوونا هەماهەنگیێن په*كه*كێ ل سلێمانیێ، ژ بۆ رۆژنامەیا ملیەت یا ترکیێ رە ئاخڤیە و دبێژە: «ئەم بەردەوام هشیاریێ ددن بافل تالەبانی کو دەست ژ پشتگریا په*كه*كێ بەردە و پێوەندیێن خوە یێن ل گەل وێ رێخستنێ قوت بکە، ئەگەر نا رەوشا سبە رۆژێ د بەرژەوەندییا سلێمانیێ دە نابە».
گولەر هەروها گۆتیە: «ئەم چاڤدێریا لڤ و تەڤگەرێن یهنهكێ دکن و تێبینیێن خوە ژی ژ ئیراق و پهدهكێ رە ددن».
وەزیرێ بەرەڤانیێ یێ ترکیێ تەکەزی ل سەر وێ یەکێ دکە کو وان چەندین جاران هشیاری دانە یهنهكێ، ژ بەر گرتنا بالافرگەها سلێمانیێ پێوەندیێن وان ب تەمامی ل گەل یهنهكێ قوت بوونە.
چاڤكانی: كوردستان24
