گرووپێن چەکداران یێن ئۆپۆزیسیۆنا سووریێ یێن لگەل ئارتێشا ترکیێ ھەرێما عەفرینێ داگیر کری، خۆرتەکی کورد رەڤاند.
ل گۆر زانیاریان، چەکدارێن گرووپا پۆلیسێن لەشکەری خۆرتێ ب ناڤێ یەلماز خالد ناسان ژ گوندێ شێخ مەیدانا یێ سەر ب راجۆ ڤە رەڤاند و ھەتا نھا چارەنڤیسا وی نە دیارە.
یلماز خالد ناسان یێ (33 سالی) ژ بەری ھەفتەیەکێ ڤەگەریابوو گوندێ خوە و کورێ تاکانەیێ مالباتا خوەیە و ھەتا نھا سەدەما رەڤاندنا وی نە دیارە.
ھەرێما عەفرینێ ژ ئادارا 2018 ڤە ژ ئالیێ ئارتێشا ترکیێ و گرووپێن چەکدارێن سەر ب وێ ڤە ھاتیە داگیرکرن و ھەتا نھا دۆرا 9 ھەزار کەسان ھاتنە رەڤاندن کو چارەنڤیسا ھەژمارەکا مەزن ژ وان نایێ زانین.
