سەرۆکوەزیرێ هەرێما کوردستانێ مەسروور بارزانی ب بۆنەیا سالڤەگەرا رەفەراندووما سەرخوەبوونا کوردستانێ پەیامەک بەلاڤ کر.
سەرۆکوەزیر مەسروور بارزانی ئیرۆ 25ێ ئیلۆنا 2023ان پەیامەک ل هەژمارا خوە یا تۆرا جڤاکی «X» بەلاڤ کر و تێ دە نڤیسی: «سالڤەگەرا سەرکەفتنا ئیرادەیا گەل بەرز و پیرۆزە».
بەری 6 سالان د 25ێ ئیلۆنا 2017ێ دە، رەفەراندوما سەرخوەبوونێ ل هەرێما کوردستانێ و ناڤچەیێن کوردستانی یێن ل دەرڤەیی ئیدارەیا هەرێما کوردستانێ هات کرن و 3 ملیۆن و 305 هەزار و 925 کەس بەشداری رەفەراندومێ بوون، کو ژ %72 زێدەترە. د رەفەراندومێ دە 2 ملیۆن و 861 هەزار و 471 کەسان دەنگێ بەلێ دان سەرخوەبوونا کوردستانێ کو ژ %92 زێدەترە.
