ته‌ڤگه‌را «جوانێن شۆره‌شگه‌ر» كو یێك ژ باسكێن په‌كه‌كێ و رێڤه‌به‌رییا خوه‌سه‌ره ل رۆژئاڤا كوردستانێ، زارۆكه‌كی 11 سالی ره‌ڤاندن و برن سه‌ربازگه‌هێن خوه یێن ل حه‌سه‌كێ.
ته‌ڤگه‌را جوانێن شۆره‌شگه‌ر كو راسته‌راست ب فه‌رمانا قه‌ندیلێ و شه‌خسێ جه‌میل باییك كارێ ره‌ڤاندنا زارۆكان و ئیشكه‌نجه‌یا كه‌سێن وه‌لاتپارێز و ئێریشا سه‌ر باره‌گه‌هێن پارتیێن كوردستانی دكه، ل رۆژێن رابووری، زارۆكه‌كی دن یێ 11 سالی ب ناڤێ «رامی حه‌سه‌ن عه‌لی» ژ تاخا شێخمه‌قسوود یێ ل حه‌له‌بێ ره‌ڤاند.
ده‌ستنیشان كر، چه‌ته‌یێن جوانێن شۆره‌شگه‌ر ئه‌ڤ زارۆك ڤه‌گوهه‌ستن سه‌ربازگه‌هێن په‌كه‌كێ یێن ل حه‌سه‌كێ ژ بۆ كو په‌روه‌رده‌هییا له‌شكری ببینه.
په‌كه‌كه و باسكێن وی یێن رۆژئاڤا كوردستانێ، بەردەوامن ل سەر لەشکەرکرنا زارۆکێن تەمەن بچووک و شاندنا وان ژ بۆ کامپێن لەشکەرکرنێ ل دەڤەرێن د بن دەستێ وان دە، تەڤی کو رێڤه‌به‌رییا خوه‌سه‌ر و هه‌سه‌دێ گەلەک سۆز دانە كوالیسیۆنا ناڤدەولەتی كو سینۆره‌كی ژ بۆی ڤێ ره‌وشێ ده‌ینن.
