رێخستنا په‌كه‌كێ دوهـ ناسنامه‌یا جوانه‌كی و زارۆكه‌كی ئاشكه‌ره كرن كو د شه‌رێ بێ ئه‌نجام ل گه‌ل تركیێ ده دا نه كوشتن و د په‌سنێ وان ده گۆتیه: «وان خوه‌شمرۆڤان هه‌یا كێلییا داویێ یا ژیانا خوه شه‌ڕ كرن».
دوهـ رۆژا ئینی 29 ئیلۆنا 2023ان هه‌په‌گێ باسكێ له‌شكه‌ری یێ په‌كه‌كێ ناسنامه‌یا دو چه‌كداران یێك ژێ زارۆك ئاشكه‌ره كر كو ل مه‌هێن رابووری ب ده‌ستێ ئارتێشا ده‌وله‌تا ترك دا نه كوشتن و ژ نوو ڤه مرنا وان ئیفشا كر.
ئه‌ڤ چه‌كدار ب ناڤێن كۆد باگه‌ر و پلنگ، هه‌په‌گێ د په‌سنێ وان ده هنه‌ك چیرۆك ڤه‌هاندنه و تێ ده دبێژه: «ئه‌وان خوه‌شمرۆڤان خوه ژ بۆی رێبه‌رتیێ فه‌دا كر، ئه‌و لاییق ده‌ركه‌تن».
په‌كه‌كه هه‌ر رۆژ ناسنامه‌یێن كۆمێن زارۆكێن كوردان د مه‌دیایا خوه ده پارڤه‌دكه، زارۆكێن كو ل سال و مه‌هێن به‌رێ ژیانا خوه ژ ده‌ست دا نه و مرنا وان هه‌یا رۆژا مه یا ئیرۆ ڤه‌شارتی هشتی یه، زارۆكێن كوردان ل جه‌م په‌كه‌كێ سۆته‌مه‌نییا شه‌ر ن و كو مرۆڤ ل جه‌م وێ خوه‌شمرۆڤ به، پێویسته ژ بۆی ئاپۆ بمره!.
