پارێزگارێ هەولێرێ ئۆمید خۆشناو ئیرۆ 2ێ جۆتمەهێ پێشوازی ل ئەندامێن ئەنجوومەنا نشتمانی یا کوردی ل سووریێ (ئەنه‌که‌سێ) عەبدولحەکیم بەشار و ئیبراهیم برۆ کر.
ل گۆری داخویانیا پارێزگارییا هەولێرێ، د جڤینێ دە گوفتووگۆ ل رەوشا کوردێن رۆژئاڤایێ کوردستانێ و پێشهاتێن سووریێ هاتن کرن، هەروه‌ها رەوشا کامپان ب گشتی و کامپا دارەشەکرانێ ب تایبەتی و رەوشا ژیانا پەنابەرێن رۆژئاڤایێ کوردستانێ هاتن گۆتووبێژکرن.
د داخویانیێ دە هات گۆتن: «د جڤینێ دە، کار و پرۆژەیێن کو ژ بۆ کامپێن پارێزگەها هەولێرێ هاتنە کرن و ئالیکاری و خزمەتگوزاریێن کو پێویستە بێن کرن، هاتن بەهسکرن».
د ڤێ دەربارێ دە ژی پارێزگارێ هەولێرێ گۆت: «ژ بۆ خزمەتکرنا پەنابەرێن رۆژئاڤایێ کوردستانێ چ ژ دەستێ مە بێ، ئەمێ بکن و رێ نادن ت پرسگرێکەک ژ وان رە دەربکەڤە. پشتراست بن ئەوێ د دەستهلاتا مە دە بە، خەمساریێ تێ دە ناکن».
د داویێ دە ژی شاندا مێهڤان سپاسیا پارێزگار و پارێزگەها هەولێرێ کرن، ژ بەر خزمەتکرنا کۆچبەر و پەنابەرێن رۆژئاڤایێ کوردستانێ یێن کو ل کامپێن پارێزگەها هەولێرێ نە.
