رۆژا 30 ئیلۆنا 2023، چەکدارێن پەیەدێ رۆژنامەڤان بەرزان حسێن ل گرکێ لەگێ سەربەست بەردا.
سەربەتبەردانا بەرزان حسێن، پشتی زێدەتری مەھ و نیڤەکێ ھات، کو د 16 تەباخێ دە ل گەل جنێد سەید مەجید ئەندامێ کۆمیتا ھەرێمی یا پارتیا دەمۆکراتا کوردستان – سووریا ھاتبوو رەڤاندن.
بەرزان حسێن ژداییکبوویێ 1973، ھلگرێ باوەرنامەیا لێکۆلینێن یاسایی ژ زانینگەھا فەراتێ یا دێرازۆرێ یە، رۆژنامەڤانە د پارتیا خوە دە، پارتیا دەمۆکراتا کوردستان – سووریا، ھەر وەھا وەکە ئەندامێ دەستەیا رێڤەبەری د یەکیتیا نڤیسکارێن کوردستان سووریا دە جھ دگرە، سەرباری ئەندامێ سەندیکەیا رۆژنامەڤانێن کوردستان سووریایە.
د ژیانا خوە دە 6 جاران ژ ئالیێ رێژیما سووریێ و پەیەدێ ڤە ھاتیە گرتن و رەڤاندن، رێکەفت و جھێن کو ھاتیە رەڤاندن وەھا نە:
2005 ژ ئالیێ ئەولەکاریا سیاسی یا رێژیما سووریێ ل حەسەکێ
2007 ژ ئالیێ ئەولەکاریا لەشکەری یا رێژیما سووریێ ل رمێلانێ
2014 ژ ئالیێ پەیەدێ ڤە
2017 ژ ئالیێ پەیەدێ ڤە کو 6 مەھان ما
2021 ژ ئالیێ ئەولەکاریا نەتوەی یا پەیەدێ
2023 ژ ئالیێ ئەولەکاریا گشتی یا پەیەدێ
ھەتا نڤیساندنا ڤێ نووچەیێ چارەنڤیسا جنێد سەید مەجید ئەندامێ کۆمیتا ھەرێمی یا پارتیا دەمۆکراتا کوردستان – سووریا کو ب ھەڤ رە ھاتبوون رەڤاندن نە دیارە.
