د ئه‌نجاما ته‌قینا به‌ری دو رۆژان یا كو په‌كه‌كێ ژ بۆی هشیاركرنێ ل ئه‌نقه‌رێ ئه‌نجام دای، هێزێن ئه‌وله‌هیێ یێن تركیێ ل 18 پارێزگه‌هان 90 كه‌س ده‌سته‌سه‌ر كرن.
ب بریارا سەردۆزگەریا کۆمارێ یا رهایێ، ل 18 پارێزگەهێن ترکیە و باکورێ کوردستانێ ل دژی په‌كه‌كێ ئۆپەراسیۆن هات دەستپێکرن، ئه‌ڤ ئۆپه‌راسیۆن پشتی ته‌قینا ل ئه‌نقه‌رێ تی یا كو په‌كه‌كێ راگهاندی كو ژ بۆی هشیاركرنێ ئه‌نجام دایه و بۆ سه‌ده‌ما ده‌سته‌سه‌ر كرنا 90 كه‌سان.
ئەڤ ئۆپەراسیۆن ل باژارێن ئامەد، مێردین، دیلۆک، ئێلهـ، شرنەخ یێن باکورێ کوردستانێ و باژارێن ستەنبۆل، ئانتالیا، ئەدەنە، بورسا، مێرسین، دەنیزلی، کۆنیا، قەیسەری، ئسپارتا، بالکەسیر، کۆجائەلی و ئاماسیا یێن ترکیەیێ هات کرن و ناڤەندا ڤێ «ئۆپەراسیۆنێ» رهایا باکورێ کوردستانێ یە.
وەزیرێ کارێن ناڤخوەیێ ترکیەیێ عه‌لی یەرلیکایا ل حەسابێ خوەیێ مەدیایا جڤاکی راگهاند کو ئۆپەراسیۆنێن ئیرۆیێن «ل دژی پککیێ» ب بەشداریا 13 هەزار و 440 هێزێن ئەولەهیێ بەردەوان دکن.
