ھەڤپەیمانیا ناڤدەولەتی درۆنەکە ئارتێشا ترکیەیێ ل نێزیکی بارەگەھا خوە یا ل پارێزگەھا حەسەکێ خستە خوارێ.
رەوانگەھا سووری یا مافێن مرۆڤان راگهاند، ھەڤپەیمانیا ناڤدەولەتی یا ل دژی داعشێ درۆنەکە ئارتێشا ترکیەیێ ل نێزیکی بارەگەھا خوە (تل بێدەر) یا ل پارێزگەھا حەسەکێ خستە خوارێ.
ھەتا نھا ھەڤپەیمانیا ناڤدەولەتی دەربارێ ڤێ بوویەرێ دە چ داخویانیەک نەدایە.
ئەڤ یەک د دەمەکێ دە یە، درۆنێن ترکیەیێ ژ ئیرۆ دانێ سبێ ڤە ناڤچەیێن جودا یێن رۆژئاڤایێ کوردستانێ و بارەگەھێن ھێزێن سووریا دەمۆکراتیک (ھەسەدێ) ل حەسەکێ، دێرکێ، عاموودێ و کۆبانی بۆمبەباران دکن و ھەتا نھا زێدەتر ژ 10 کەسان ھاتن کوشتن و ھەژمارەکە دن ژی بریندار بوون.
پشتی ئێریشا پەکەکێ یا 1 ئیلۆنێ ل سەر وەزارەتا ناڤخوە یا ترکیێ ل ئەنقەرەیێ، سەرۆککۆمارێ ترکیەیێ رەجەب تەییب ئەردۆگان د پارلەمەنتۆیێ دە راگھاند، ئەو دێ شەڤەکێ ژ نیشکا ڤە بەرێ خوە بدن رۆژئاڤایێ کوردستانێ.
