ناڤەندا راگهاندن و چاپەمەنیێ یا هێزێن ئەولەکاریا هوندرین (ئاسایش) ئیرۆ د داخویانیەکێ ده جهـ و ناڤەندێن کو ژ ئالیێ درۆنێن ترکیێ ڤە هاتنە بۆمبەبارکرن ئاشکەرە کرن و دا زانین، د ئەنجامێ دە 6 ئەندامێن ئاساییشێ و 2 سڤیلان ژیانا خوە ژ دەست دانە.
د داخویانیێ دە هات گۆتن، ژ ئیرۆ 5ێ جۆتمەهێ دانێ سبەهێ ڤە، دەولەتا ترکیێ ب زێدەتر ژ 15 درۆنان ئێریش کرنە و گەلەک خال، بنەسازی، سازیێن خزمەتگوزاریێ، سانترالا گاز و پەترۆلێ کرنە ئارمانج. د ئەنجامێ دە بریندار و قوربانی چێبوون.
ل گۆری داخویانیێ جهـ و ناڤەندێن هاتنە بۆمبەبارانکرن وهانە:
– دو ئێریشێن ئاسمانی ل دەردۆرا کامپا واشۆ کانی یا کۆچبەرێن سەرێ کانیێ ل گوندەوارێ حەسەکێ.
– کارگەهەک ل گوندێ موشەیرفەت ئەل-حەمما یێ باکورێ رۆژئاڤایێ حەسەکێ، د ئەنجامێ دە 3 سڤیل بریندار بوون.
– دەردۆرا بەنداڤا چلاخا.
– ل گوندێ خەراب ئشکێ یێ باشوورێ رۆژهلاتێ کۆبانی، ل سەر رێیا ناڤدەولەتی م4، مۆتۆرسیکلەتەک هات ئارمانجکرن و د ئەنجامێ دە 2 وەلاتیێن سڤیل ژیانا خوە ژ دەست دان.
– هن گوندێن کۆبانی، تل تەمر و حەسەکێ.
– جهێ دەپۆیێن پەترۆلێ ل نێزیکی گوندێ کرداهۆلێ ل باشوورێ رۆژئاڤایێ تربەسپیێ.
– ستاسیۆنا پەترۆلێ ل گوندێ ئەل قەوسێ سەر ب قامشلۆ ڤە.
– دەڤەرەک ل دەردۆرا ستاسیۆنا ڤەگوهەستنا ئاڤێ ل گوندێ ئەل-رەکبا ل باشوورێ ئەل-تەمەرێ، کو د ئەنجامێ دە زیانێن مادی چێبوون.
– گوندێ تل حەبەشێ دکەڤە باشوورێ عاموودێ کو د ئەنجامێ دە 6 ئەندامێن ئاساییشا هوندرین ژیانا خوە ژدەست دان.
