د ئەنجاما تۆپبارانا هێزێن ترکیێ ل سەر ل ناڤچەیا زرگانێ یا حه‌سه‌كێ دە، 5 ژنێن کو ل ناڤا زەڤیێن پەمبوو دخەبتین بریندار بوون.
ژێدەرەکی خوەجهی ژ ک24ێ رە راگهاند، هێزێن سەر ب ترکیێ ڤە گوندێ بشێریێ یێ رۆژهلاتێ ناڤچەیا زرگانێ دا بەر تۆپان و د ئەنجامێ دە 5 ژنێن ل ناڤا زەڤیێن پەمبوو دخەبتین بریندار بوونە.
وی ژێدەری دا زانین، بریندار ژ بۆ نەخوەشخانەیێ هاتن راکرن و رەوشا هن برینداران گرانە.
هەروها گوندێن بۆبی، مشێرفێ و رەعیبات یێن سەر ب ناڤچەیا زرگانێ ب چەکێن گران هاتن تۆپبارانکرن، بێی کو زیانێن تۆپبارانێ وەرن زانین.
ئارتێشا ترکیێ ژ رۆژا 5ێ جۆتمەهێ ڤە ناڤچەیێن جودا یێن رۆژئاڤایێ کوردستانێ بۆمبەباران دکە، د ئەنجامێ دە زیانێن جانی و مادی دەرکەتنە.
شەڤا بۆری 8ێ جۆتمەهێ ژی، فرۆکەیەکە شەر یا ترکیەیێ ناڤەندەک ئاساییشێ یا ل دەڤەرا کۆچەرات یا ل دێرکێ بۆمبەباران کر و د ئەنجامێ دە هەژمارەک ئەندامێن ئاساییشێ هاتن کوشتن و بریندارکرن.
