ل 8 باژارێن ترکیێ و باکورێ کوردستانێ ئیرۆ ب سه‌ده‌ما په‌كه‌كێ، 27 کەس هاتن دەستەسەرکرن.
وەزیرێ کارێن ناڤخوەیێ ترکیەیێ عه‌لی یەرلیکایا ل سەر حه‌سابا خوە یا مەدیایا جڤاکی راگهاند، تیمێن فەرمانداریا جەندرمەیان یێن باژاران ل پارێزگەها رها، مێردین، وان، مەلەتی و سەمسوورێ یێن باکورێ کوردستانێ و ئیزمر، ئسپارتا و مانیسا یێن ترکیێ ئۆپەراسیۆن دا دەستپێکرن.
عه‌لی یەرلیکایا دا زانین کو “ب سه‌ده‌ما په‌كه‌كێ” 27 کەس هاتن دەستەسەرکرن.
ب گۆتنا عه‌لی یەرلیکایا 27 کەسێن هاتنە دەستەسەرکرن «ئامادەکارییا چالاکیان» دکر.
پشتی ئێریشا 1ێ چریا پێشینێ یا ل دژی وەزارەتا کارێن ناڤخوە یا ترکیێ، هێزێن ئەولەهیێ ل باژارێن ترکیێ و باکورێ کوردستانێ ب سەدان کەس دەستەسەر کرنە.
په‌كه‌كێ بەرپرسیاریا وێ ئێرشێ ل خوە گرتبوو.
ل ترکیێ و باکورێ کوردستانێ، هێزێن ئەولەهیێ رۆژانە ب سەر مالان دە دگرن و ب «به‌هانه‌یا په‌كه‌كێ» خەلکێ سڤیل و سیاسەتمەدارێن کورد دەستەسەر دکن.
