ل پارێزگەهێن دێرسم، دیلۆک و چەولیگێ یێن باکورێ کوردستانێ هەموو چالاکیێن وەکی خوەپێشاندان، مەش، جڤینێن چاپەمەنیێ، گرەڤ، ڤەدانا کۆن و ستاندان هاتن قهدهغهکرن.
بریارا قهدهغهکرنێ چالاکیێن فەرمی ل خوە ناگرە کو پارێزگار و قەیمەقام دەستوورێ ددن.
ل گۆری داخویانیا پارێزگاریا دێرسمێ ژ ئیرۆ هەتا 15ێ چریا پێشینێ هەموو چالاکیێن وەکی کۆمبوون، خوەپێشاندان، مەش و گرەڤ، ڤەدانا کۆن و چالاکیێن دن قهدهغهنە، قهدهغه هەم ل ناڤەندا باژێر و هەم ژی ل قەزایێن دێرسمێ هەیە، پارێزگاریا دیلۆکێ ژی ب داخویەنیەکێ بریارا قهدهغهیێ راگهاند.
ل باکورێ کوردستانێ بریارا قهدهغهیێ یا سێیەمین ژی ل پارێزگەها چەولیگێ هات دایین.
د داخویانیێن هەر سێ پارێزگەهان دە تێ ئیدیعاکرن کو «ب ئارمانجا پاراستنا بنگەهێن سەرەکی یێن کۆمارێ، یەکپارچەییا دەولەت و نەتەوە، رێلبەرگرتنا بنپێنەکرنا ماف و ئازادیێن کەسێن دن، ئاساییشا خەلکێ و ئانینا ئارامیێ، رێلبەرگرتنا تاوانان، پاراستنا ماف و ئازادیێن خەلکێ و رێلبەرگرتنا هەر بوویەرەکە دن» بریارا قهدهغهیێ هاتیە دایین.