پارتیا كاركه‌ران ب پارڤه‌كرنا ده‌ره‌وان شه‌رێ خوه یێ بێ ئێنجام ده‌وام دكه، هه‌ری داوی ئیرۆ گۆتیه كو چه‌كدارێن وان فیت 75 عه‌سكه‌رێن ترك د 7 رۆژێن رابووری ده كوشتنه.
هه‌په‌گێ باسكێ له‌شكه‌ری یێ په‌كه‌كێ، ئیرۆ رۆژا شه‌می 14/10/2023 بیلانچۆیا 7 رۆژێن رابووری ئانگۆ ژ 6 هه‌یا 13/10/2023 یا شه‌ر ئاشكه‌ره كر و گۆت كو چه‌كدارێن وان 75 له‌شكه‌رێن ترك كوشتنه و ده‌هان بریندار كرنه.
ل گۆری پارتیا كاركه‌ران، ژ 6 ڤێ مه‌هێ ڤه وان هه‌ر رۆژێ 11 عه‌سكه‌ر كوشتنه!! لێ یا راست كوشتنا ت یێك ژ عه‌سكه‌ران ل قادا شه‌ر تونه، په‌كه‌كه ته‌نێ عه‌سكه‌رێن داگیركه‌ر د مه‌دیایێ ده دكوژه.
پارتیا كاركه‌ران ژ سه‌رجه‌ما 75 له‌شكه‌رێن كو گۆتییه وێ كوشتنه، دیمه‌نێن یه‌ك ژ وان ژی پارڤه نه‌كریه و د نووچه‌یا راگهاندنا كوشتنا وان ده وێنه‌یا دو چه‌كدارێن كه‌چ یێن زارۆ پارڤه‌كریه.
ده‌وله‌تا ترك و په‌كه‌كه هه‌ر ل ناڤبه‌را چه‌ند رۆژان بیلانچۆیا زرارێن هه‌ڤ رادگهینن، هه‌ر یێك دبێژه مه ئه‌وقاس كوشتنه، لێ هه‌ردو ئالی راست نابێژن و ڤێ وه‌كه شه‌ره‌كێ تایبه‌ت ل دژی هه‌ڤ دمه‌شینن و یێ كو زرارا راستین ئا ڤی شه‌رێ بێ واته دده، گه‌لێ باشوورێ كوردستانێ یه.
