كیژان به‌رپرسێ په‌كه‌كێ بوو دوهـی درۆنێ ل دهۆكێ لێخستی

بالافرێن بێمرۆڤ یێن ده‌وله‌تا ترك دوهـ ئۆتۆمۆبیله‌كه‌ چه‌كدارێن په‌كه‌كێ ل سینۆرێ دهۆكێ بۆمبباران كر، به‌رپرسه‌كی پایه‌بلند و دو چه‌كدارێن رێخستنێ تێ ده‌ كوشتن.

دژه‌ ته‌رۆرا كوردستانێ ده‌ربارێ بوویه‌رێ داخۆیانی دا و گۆت كو دوهـ رۆژا شه‌می 14\10\2023 تام ل ساعه‌ت 17:30ێ بالافرێن كه‌شفێ یێن ئارتێشا تركیێ ئۆتۆمۆبیله‌كه‌ چه‌كدارێن په‌كه‌كێ ل نێڤبه‌را گوندێ میسكا و ده‌رگه‌لێ یێ گرێدای ناحیه‌یا كانیماسێ ل قه‌زایا ئامێدیێ هه‌ده‌ف كر.

ده‌ستنیشان كر، د ئه‌نجامێ ده‌ به‌رپرسه‌كی پایه‌بلند یێ رێخستنا په‌كه‌كێ و دو چه‌كدارێن رێخستنێ هاتنه‌ كوشتن. داركا مازی دێ ئاگاهییان ده‌ربارێ وان پارڤه ‌بكه‌ت.