کۆنسولێ ترکیێ ل هەولێرێ: پرانیا داهاتا په‌كه‌كێ ژ بازرگانیا مادەیێن هشبه‌رە

کۆنسولێ ترکیێ ل هەولێرێ رادگهینە، پارتیا کارکەرێن کوردستانێ (په‌كه‌كه‌) پرانیا داهاتا خوە، ژ بازرگانیا مادەیێن هشبەر وەردگرە.

کۆنسولێ ترکیەیێ مەهمەت مەڤلوت یاکوت د کۆنفەرانسا رووبرووبوونا مادەیێن هشبەر ل هەولێرێ دە راگهاند، په‌كه‌كه‌ د «کۆنترۆلکرن و بازرگانیا مادەیێن هشبه‌ر» ل سەر ئاستا ئەورۆپایێ دە جهـ دگرە». 

یاکوت دەستنیشان کر ژی، «راپۆرا یورۆپۆلێ و جەزایێن وەزارەتا خەزینەیا ئامەریکایێ ل سەر بەرپرسێن په‌كه‌كێ، وێ راستیێ نیشان ددن».

یاکوت گۆت ژی: «په‌كه‌كه‌ داهاتێن نەیاسایی یێن ژ بازرگانیا مادەیێن هشبه‌ر وەردگرە، ژ بۆ فینانسەکرنا کارێ رێخستنێن تەرۆریست بکار تینە».

هەروه‌ها یاکوت گۆت، هنەک ژ وان کەسێن کو ژ بەر بازرگانیا مادەیێن هشبه‌رێ ل کوچە و کۆلانێن ترکیەیێ هاتنە گرتن «ئەندامێن په‌كه‌كێ نە».

یاکوت داخواز کر ژی، حکوومەتا هەرێما کوردستانێ، ترکیە و ئیراقێ هەولێن خوە بهێزتر بکن، ژ بۆ نەهشتنا بازرگانیا مادەیێن هشبه‌ر ب رێیا پەڤگوهەرتنا ئاگاهیان و شەرێ ل دژی تەرۆرێ.

گۆت ژی: «د 8 مەهێن دەستپێکێ یێن ئیسال دە، ل ترکیەیێ نێزیکی 2 ملیۆن حەبێن کاپتاگۆن، زێدەتری 4 ملیۆن حەبێن بێهۆشکەر، 13 تۆن کریستال و 11 کیلۆگرامێن دن ژ جورەیێن دن یێن کریستالێ هاتنە دەستەسەرکرن».

چاڤکانی: کوردستان 24