ھەڤدەم لگەل رەوشا ئابۆری یا خراب ل رۆژئاڤایێ کوردستانێ، رێڤەبەریا پەیەدێ کرییا نڤیسگەھێن بازرگانی ل تاخا ئەلسیاحی ل ناڤەندا باژارێ قامشلۆ زیدە کر.
ل گۆری پسوولەیەکا وەرگرتنا پەرەیان یا کو ژ شارەداریا قامشلۆ یا سەر ب رێڤەبەریا پەیەدێ ڤە دەرکەتیە، کوژمێ 1400000 لیرەیێن سووری وەکە کرێیا سالانە ژ نڤیسگەھەکێ ل تاخا ئەلسیاحی ل باژێری ژ ئالیێ شارەداریێ ڤە ھاتیە وەرگرتن.
د ڤێ دەربارێ دە و ل گۆری زانیاریان، زێدەکرنا نرخێ کرێیا سالانە یا نڤیسگەھان ل ڤی تاخی نەرازیبوون دەرخستنە.
ل گۆری ئابۆریناسان ژی، سەپاندنا کوژمێن مەزن ل تاخا ئەلسیاحی دێ بتە سەدەما گرتنا ھندەک نڤیسگەھان و دێ ب نەرێنی باندۆرێ ل سەر تەڤگەرا بازرگانیێ ل باژێری بکە.
ل رۆژئاڤایێ کوردستانێ ھەر دەم ب دەم رێڤەبەریا پەیەدێ کوژمێن مەزن و باجان ل سەر خوەدانێن دوکانێن بازرگانی و کارگەھان زێدە دکە و ئەڤ چەند ژی یەک ژ سەدەمێن زێدەبوونا دیاردەیا کۆچبەریێ یە.
