کارڤەدانێن ل دژی ئێریشا ل سەر غه‌ززەیێ کو ل گۆری وەزارەتا تەندورستیێ یا فلستینێ زێدەیی 500 فلستینی بوونە قوربانی دەوام دکن.
هەر یەک رووسیا و ئیماراتا عەرەبی بانگ ل ئەنجوومەنا ئاساییشا ناڤدەولەتی کرن کو ئیرۆ چارشەمێ بجڤە و ئێریشا ئیسرائیلێ یا ل سەر غەززەیێ گۆتووبێژ بکە.
د ڤێ دەربارێ دە ژی، ئاماژە ب وێ هات کرن کو ئەنجوومەنا ئاساییشا ناڤدەولەتی قەبوول کریە کو بجڤە.
ئەڤ یەک پشتی وێ تێ، بەردەڤکێ وەزارەتا تەندورستیێ ل غەززەیێ ئیرۆ راگهاند، د ئێریشا ئاسمانی یا ئیسرائیلێ یا ل سەر نەخوەشخانەیا ئەل-موعەمەدانی یا غه‌ززەیێ دە، هەری کێم 500 کەس هاتن کوشتن و بریندار بوون.
د یەکەمین هەلوەستێن ناڤدەولەتی یا ل سەر بۆمبەبارانا ئیسرائیلێ ل سەر نەخوەشخانەیا غه‌ززەیێ دە، نەتەوەیێن یەکگرتی دەستنیشان کر کو نەخوەشخانەنە ئارمانجن.
هەروها وەزارەتا بەرەڤانیێ یا ئامەریکایێ گۆت: «دڤێ رێز ل یاسایێن شەر و یاسایێن مرۆڤی یا ناڤدەولەتی وەرە گرتن».
گۆت ژی: «ئەم هین نزانن بەرپرسێ بۆمبەبارانا نەخوەشخانەیا ل غەززەیێ کییە، لێ ئەم هێڤی دکن کو ئیسرائیل د شەر دە پابەندی یاسایێن ناڤدەولەتی بە».
