پەیامنێرێ ھەردو کانالێن ئەل عەرەبیە و ئەل حەدەس ئاشکەرا کر، ئامادەکاری تێن کرن کو ژ چیایێ شنگالێ ڤە ئێریشی ئیسرائیلێ بێ کرن.
پەیامنێرێ کانالێن ئەل عەرەبیە و ئەل حەدەس ئەحمەد حەمدانی د تۆرا خوە یا فەرمی یا جڤاکی فەیسبۆکێ دە راگەھاند، گەنەرالێن پاسدارێن ئیرانێ و ل سەر ھەموویان رە ژی فەرماندارێ فرقەیا ھەمزە سەید ئەل شوھەدا سەردار محەمەد ئەحمەدی ل قادێ چاڤدێریا ئامادەکاریێن وان مووشەکان دکن کو شاندنە ژ بۆ شنگالێ.
ھەروەھا دیار کر کو ناڤێ مووشەکان ل جورەیا “مھەندس 1″ە و زێدەتری ھەزار کیلۆمەترەیان دچە.
ل گۆر وی رۆژنامەڤانی ئاشکەرا کریە، ئامادەکاری ژ بۆ بنکەیێن مووشەکان ھاتیە کرن و وەک سەناریۆیا 1991 دەما کو سەدام حوسێن ل ھەمان جیھێ ل شنگالێ 39 مووشەک ئاڤێتن باژارێ تەل ئەڤیڤ یێ ئیسرایلێ ئامادەکاری وەکی وێ دەمێ تێن کرن.
ل گۆر گۆتنێن حەمدانی چەند رۆژان بەری نھا سەردار محەمەد ئەحمەدی گەھەشتیە باژارێ سلێمانیێ، بەری بچیتە شنگالێ و پێشبینی تێ کرن کو ئەنیەکا نوو ل دژی ئیسرائیلێ ل شنگالێ بێ ڤەکرن، ئەگەر د رەوشەکا کو تانکێن ئیسرائیلێ ژ بەژایی ڤە بکەڤن غەزە و ل ھەمبەر وێ ئامادەکاریێن ڤێ ئەنیێ تێن کرن.
بالکێشە ل شنگال و چیایێ شنگالێ پەکەکە و ملیسێن حەشدا شەعبی لێ دەستھلاتدارن.
