ل باژارێ قامشلۆ یێ رۆژئاڤایێ کوردستانێ چەکدارێن یەکینەیێن پاراستنا ژنێ یەپەژێ کو بەشەک ژ ھێزێن سووریا دەمۆکراتیک قەسەدێ یە، 2 زارۆک ب ھەڤ را رەڤاندن، و تەڤلی لەشکەریا نەچاری کر.
ل گۆری زانیاریان، ھەر یەک ژ میراڤ عەدنان خاشۆ 15 سالی و سیمێل زێدان ئیسماعیل 14 سالی، دەما ژ مالا باپیرێ خوە دەردکەتن ھاتنە رەڤاندن.
نوورەدین خاشۆ کو مامێ میراڤیێ یە د ھەمان دەمێ دە خالێ سیمێلێ یە راگهاند کو بەرێ خوە دانە ھەر دەزگەھ و ئالیەکێ پەیوەندیدار لێ ئەو ل پێش چاڤێن وان ڤەدشارتن.
دا زانین: پشتی ھەولێن بەردەوام ئەو دیتن، لێ دەما کو دیتی ھەر دو زارۆک ب تەمامی ھاتنە گوھەرتن، و وەکە دەرمان و مادە دانە وان دا کو ژ مالباتا خوە دوور بکەڤن.
نوورەدین بانگا ڤەگەراندنێ کر و ئانی زمان: ما نە د یاسایا وە دە ھەیە کو دڤێت زارۆک نەیێن چەکدارکرن، کا ئەو یاسا ل کو دەرێ ما؟
فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا قەسەدێ دە زارۆکان درەڤینن و تەڤلی لەشکەریا نەچاری دکن.
