ل قامشلۆ جارەکە دن کریزا غازێ دروست بوویە

ل باژارێ قامشلۆ یێ رۆژuاڤایێ کوردستانێ، جارەکە دن کریزا غازێ دەرکەتیە ھۆلێ، وەلاتی ژی نەچار دبن بەرێ خوە بدن بازارێ رەش و ب نرخێن بلند بکرن.

ل گۆر ھەژمارەک وێنەیێن ژ قامشلۆیێ د ناڤا سۆسیال مەدیایێ دە هاتینە پارڤەکرن دیار دبە، ل باژارێ قامشلۆ وەلاتی د نۆرەیێن درێژ یێن وەرگرتنا غازێ دە، رادوەستن.

باژارێ قامشلۆ مینا باژارێن دن یێن رۆژئاڤایێ کوردستانێ، پشتبەستنێ ل سەر کارگەھا غازێ یا سوێدیێ ل گوندەوارێ دێرکێ دکە.

وەلاتی دبێژن کو رێڤەبەریا پەیەدێ بەریا نھا قنینێ غازێ ب رێیا کارتێ ب 7500 لەیرەیێن سووری دفرۆت، لێ ڤێ داویێ نەرخ کرە 10 ھەزار، و ئاماژە کر کو ل بازارا رەش نرخێ قنینەکێ دگەهیتە 100 ھەزار لیرەیێن سووری.

دانە زانین ژی کو “قنینێ غازێ ب تەنێ تێرا نێزیکی 17 رۆژان دکە و ئەو ھەست دکن کو کێشا وێ ژ یا کو ل بازارێ رەش تێ فرۆتن کێمترە.”

وەلاتی رێڤەبەریا پەیەدێ ب پاشخستنا دابەشکرنا غازێ تۆمەتبار دکن، ئەڤ یەک ژی وان نەچار دکە کو بەرێ خوە بدن بازارێ رەش و ب نرخەکی بلند بکرن.

کریز د دەمەکێ دە تێ، کو بالافرێن ترکیێ ژ دەسپێکا جۆتمەھێ ڤە وێستگەھا سوێدیێ یا کو ئەلەکتریک و غازێ بۆ ناڤچەیێن رۆژئاڤایێ کوردستانێ دابین دکە، بۆمبەباران کر. ژ سەدەما ئێریشێ، ژێدەرێن غازێ و سۆتەمەنیێ راستی کێمبوونەکا توند ھاتن و بوو سەدەما برینا ئەلەکتریکێ ژی ل سەر ناڤچەیێ.