رێخستنا په‌كه‌كێ ژ ده‌ستپێكا ڤێ مه‌هێ ڤه، 174 له‌شكه‌رێن ترك یێن داگیركه‌ر ب ده‌ره‌وان كوشتنه و سێجار هندی وان بریندار كرنه، ته‌ڤی ڤێ هنه‌ك هه‌لیكۆپته‌ر ژی ئێخستنه!.
هه‌په‌گێ باسكێ له‌شكه‌ری یێ په‌كه‌كێ راگهاند كو ژ ده‌ستپێكا مه‌ها 10 یا ئیسال 2023ان چه‌كدارێن وێ 174 له‌شكه‌رێن ترك یێن داگیركه‌ر كوشتنه، پرانییا وان له‌شكه‌ران ل سه‌ر خاكا باشوورێ كوردستانێ كوشتنه.
هه‌په‌گێ رۆژا دوشه‌می 15\10\2023ان ژی داخویانی دا و گۆت كو چه‌كدارێن وان دو هه‌لیكۆپته‌ر ئێخستنه.
ل گۆری پارتیا كاركه‌ران، ژ رۆژا 1ی ڤێ مه‌هێ ڤه هه‌ر رۆژێ چه‌كدارێن وێ 8 له‌شكه‌رێن ترك كوشتنه، لێ یا راست كوشتنا ت یێك ژ له‌شكه‌ران ل قادا شه‌ر تونه، په‌كه‌كه ته‌نێ عه‌سكه‌رێن داگیركه‌ر ب ده‌ره‌وان د مه‌دیایێ ده دكوژه.
ده‌وله‌تا ترك و په‌كه‌كه هه‌ر ل ناڤبه‌را چه‌ند رۆژان بیلانچۆیا زرارێن هه‌ڤ رادگهینن، هه‌ر یێك دبێژه مه ئه‌وقاس كوشتنه، لێ هه‌ردو ئالی راست نابێژن و ڤێ وه‌كه شه‌ره‌كێ تایبه‌ت ل دژی هه‌ڤ دمه‌شینن و یێ كو زرارا راستین ئا ڤی شه‌رێ بێ واته دده، گه‌لێ باشوورێ كوردستانێ یه.
