ل رۆژئاڤایێ کوردستانێ چەکدارێن پەکەکێ ب دارێ زۆرێ زارۆکێن تەمەن بچووک درەڤینن و دبن لەشکەریێ و وان ب چەک دکن و رێدکن قادێن شەر. ھەتا گرۆپەک چەکدار ب ناڤێ جوانێن شۆرەشگەر پێکانینە و ئەرکا وان یا سەرەکە ئەوە زارۆکێن کوردا برەڤینن و ببن بنگەھێن لەشکەری یێن ھەسەدێ. پرانیا جاران مال ب مال دگەرن و زارۆکێن کو دبینن درەڤینن و ب دارێ زۆرێ دبن. گەلەک جارا مالبات زارۆکێن خوە ڤەدشێرن یان ژی ھەولددن ب ئاوایەکی وان ژ رۆژئاڤایێ کوردستانێ دەرێخن.
پرسا چەککرنا زارۆکان ل ھەموو جھێن کو پەکەکە لێ ھەیە بوویە پرسگرێکەک سەرەکە. ل باکورێ کوردستانێ ژی ب سەدان زارۆک ھاتنە رەڤاندن و ئەو رێکرنە سەرێ چیان و بونە سەدەمێ کوشتنا وان.
گەلەک جاران د مەدیایێ دە رەڤاندنا زارۆکان وەک نووچە تێ داین، لێ پەکەکە و زھنیەتا پەکەکێ گوھ نادە دەنگێ دایک و بابان و ئەرکا خوە یا قرکرنا زارۆکێن کوردا بەردەوام دکە.
ھەری داوی جاردن ل رۆژئاڤایێ کوردستانێ، سێ کەچێن زارۆک، ب ناڤێ سێمێل زێدان ئیسمایل یا 14 سالی یا ژ تربەسپیێ و میراڤ ئەدنان خشۆ ژ سھێلێ یا 15 سالی و سالین مەحموود ئەیاد یا 14 سالی ژ قامشلۆیێ ژ بۆ لەشکەریێ ھاتنە رەڤاندن.
ل سەر ڤێ یەکێ ھندەک رێخستنێن مافێ مرۆڤان داخویانیەک راگھاندن و ژ رێڤەبەریا خوەسەر خوەستن کو داوی ل ڤان کریارێن خوە بینن و بەس زارۆکان ببن قادێن شەر. ھەروەھا رێخستنێن مافێ مرۆڤان داخواز دکن کو زارۆکێن تەمەنێ وان ژ 18 سالی بچووکترە ڤەگەرینن مالێن وان.
لێ نە پەکەکە و نە ژی چ رێخستنێن پەکەکێ گوھ نادە وان و ئەو ھەر یا د سەرێ خوە دە دکن.
رێخستنێن کو داخویانیا ھەڤبەش راگھاندین ئەڤن:
رێخستنا کوردی یا مافێن مرۆڤان یا سووریێ (DAD)، رێخستنا مافێن مرۆڤان یا سووریەیێ (MAF)، کۆمیتەیا کوردی یا مافێن مرۆڤان ئا سووریەیێ (ئەل-رەسد)، رێخستنا پاراستنێ د بەر مافێن گرتیێن نەرینێ ل سووریێ (رەوانگەھ) و یەکیتیا گشتی یا نڤیسکار و رۆژنامەڤانێن کورد یا سووریێ.
