ل باژارێ قامشلۆیێ یێ رۆژئاڤایێ کوردستانێ کەچەکە دن یا 15 سالی ژ هێلا چه‌ته‌یێن رێخستنا په‌كه‌كێ یێن ب ناڤێ جوانێن شۆره‌شگه‌ر هات ره‌ڤاندن و داییكا وێ ژی بانگ ل مه‌زلووم عه‌بدی.
چه‌ته‌یێن جوانێن شۆره‌شگه‌ر رێخستنه‌كه سه‌ر ب په‌كه‌كێ ڤه یه، كارێ وێ ره‌ڤاندنا زارۆكێن كوردانه ل رۆژئاڤا كوردستانێ و ب ته‌علیماتێن تایبه‌ت یێن شه‌خسێ جه‌میل باییك و ل ژێر سه‌رپه‌رشتییا مه‌زلووم عه‌بدی و رێڤه‌به‌رییا خوه‌سه‌ر ته‌ڤ دگه‌ره.
هات راگهاندن چه‌ته‌یێن جوانێن شۆره‌شگه‌ر به‌ریا 10 رۆژان كه‌چه‌كا دن یا 15 سالی ب ناڤێ سۆلین ئیبراهیم ره‌ڤاندنه و چاره‌نووسا وێ هێژان نه‌دیاره.
دایكا سۆلین ژی بانگ ل مه‌زلووم عه‌بدی دكه كو ده‌نگێ وێ ببهیزه و ژێره ببه ئالیكار كو كه‌چا وێ بێ ڤه‌گه‌راندن.
دایكا سۆلینێ گۆت:
«ئەم ل قامشلۆیێ ل سۆلین دگەریان. بەریا 10 رۆژان ئاگاهی ژ مە رە هات کو سۆلین ژ ئالیێ جوانێن شۆرەشگەر ڤە هاتیە برن. ل سەر ئاگاهیان ئەم ب سازی و پێکهاتەیێن قامشلۆیێ رە ئاخڤین. ئەم چوون حەسەکێ ژی لێ کەسەک ئاگاهی نەدا مە».
هه‌ر وها گۆت: «ئەز دخوازم هەڤال مازلووم عەبدی دەنگێ من ببهیزە و ب مە رە ببە ئالیکار».
ل رۆژئاڤایێ کوردستانێ تەڤی کو پەیەدێ سۆز دایە نەتەوەیێن یەکبوویی و رێخستنێن ناڤدەولەتی کو زارۆکان چەکدار نەکە، لێ بەلێ باسکێن لەشکەری و جوانێن شۆرەشگەر یێن گرێدایی پەکەکێ، ھین ژی زارۆکێن تەمەن بچووک تەڤلی لەشکەرکرنا ب زۆر دکن و وان دبن کامپێن لەشکەرکرنێ یێن ل ھەرێمێن د بن کۆنترۆلا خوە دە.
