کریزا ئاڤ و ئەلەکتریکێ ل باژارێ حەسەکێ بەرفرەھتر بوویە

خەلکێ باژارێ حەسەکێ ژ کریزێن جۆر ب جۆر دنالن و ئێدی چینا ھەژار ژ نرخێن ھەموو جۆرێن خزمەتگوزاریان دنالە، ب تایبەتی کریزێن ئاڤ، ئەلەکتریکێ و سۆتەمەنیێ.

د گەل بوھابوونا نرخێ بانزینێ کو ژ 525 لێرەیێن سووری بلند بوو بۆ 2050 لیرەیان، نرخێ ئاڤێ ژی بلند بوو و ھەر تانکەکێ ئاڤا ڤەخوارنێ ژ 15 ھەزار لێرەیێن سووری بۆ 25 ھەزار لیرەیان بلند بوو.

ھەروھا، ل گەل بوھابوونا بانزینێ نرخێ ئەمپێرێن کەھەرەبێ ژی ھاتە بلند کرن، ب تایبەتی، نرخێ ئەمپێرێن ئەلەکتریکێ یێن مووەلیدان ل تاخان ژی بلند بوو.

ل باژارێ حەسەکێ، نھا پرانیا خەلکێ د ئاستا ھەژاریێ دە دژین، ب تایبەت ئانھا ئەمن و ئەمانەت نەمایە، نرخێن ھەموو پێدڤیان بلند بوویە، بوھایێ لێرەیێ سووری بەرامبەر دۆلار و دراڤێن بیانی داکەتیە، ژ خوە ململانێ، شەرێن گروپێن چەکدار و ھێزێن کۆنترۆلا دەڤەرێ دکن دەردەسەری و ئێش و ئازارێن خەلکێ زێدەتر کریە و پێلا کۆچبەریێ بەرفرەھتر کریە.