چەکدرارێن “تەڤگەرا جوانێن شۆرەشگەر” یا سەر ب پەکەکێ ڤە، زارۆکەکی عەرەب ل حەلەبێ رەڤاند.
مالباتا زارۆکێ رەڤاندی راگهاند: “چەکدارێن تەڤگەرا جوانێن شۆرەشگەر، کورێ مە (عزەدین بەکری نەسان، 12 سالی)، د 20 جۆتمەھێ دە دەما کو ژ کارێ خوە ڤەدگەریا، ل تاخا شێخ مەقسوود یا حەلەبێ رەڤاند.
مالباتێ دا زانین ژی کو وان بەرێ خوە دا ھەموو ناڤەند و دەزگەھێن سەر ب پەیەدێ ڤە، لێ چ ئەنجام نەدیتنە.
ل باژارێ قامشلۆ ژی، د ڤێ مەھێ دە چار کەچێن ژێر 18 سالیێ ژ ئالیێ چەکدارێن جوانێن شۆرەشگەر و چەکدارێن یەپەژێ ڤە ھاتنە رەڤاندن، و ھەتا نھا ژ بۆ مالباتێن وان نەھاتنە ڤەگەراندن.
فەرماندارێ هەسەدێ مەزلووم کۆبانێ، د سالا 2019 دە ل گەل ڤێرجینیا گامبا نوونەرا نەتەوێن یەکگرتی بوو کارووبارێن زارۆکان، پەیمانەک ئیمزە کریە، کو ئێدی زارۆکان تەڤلی ھێزێن خوە نەکە و یێن د ناڤ دە سەربەست وەرن بەردان، لێ تا نھا چ پابەندی ب پەیمانێ نەھاتیە کرن، و رەڤاندن و لەشکەرکرنا زارۆکان بەردەوامن.
