رێخستنێ ئاماژە ب وێ چەندێ کر، کو ئەڤ کریار یاسایێن ناڤدەولەتی یێن دەربارێ مافێن مرۆڤان و لەشکەرکرنا زارۆکان دە بنپێ دکن.
“دەنگێ گرتیان” داخواز ژ ھەموو رێخستنێن ناڤدەولەتی و خوەجھی یێن مافێن مرۆڤان و لەشکەرکرنا زارۆکان کر کو هەموو هەولەکی بدن، ژ بۆ ڤەگەراندنا ھەردو زارۆکان بۆ کەس و کارێن وان دا کو ژیانا خوە یا ئاسایی بژین و خوەندنا خوە بەردەوام بکن.
د ڤێ دەربارێ دە، نوورەدین خاشۆ کو مامێ میراڤیێ و د ھەمان دەمێ دە خالێ سیمێلێ یە راگهاند، کو بەرێ خوە دانە ھەر دەزگەھ و ئالیەکێ پەیوەندیدار لێ ئەو ل پێش چاڤێن وان ڤەدشارتن.
دا زانین ژی: پشتی ھەولێن بەردەوام، ئەو دو پەیدا کرن، لێ دەما کو دیتن ھەر دو زارۆک ب تەمامی ھاتنە گوھەرتن، و وەکە دەرمان و مادەیێن هشبەر دانە وان دا کو ژ مالباتا خوە دوور بکەڤن.
فەرماندارێ ھێزێن سووریا دەمۆقراتیک مەزلووم کۆبانێ د سالا 2019 دە ل گەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ رەفێن خوە دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچار دکن.
