هه‌په‌گێ ناسنامه‌یا 8 جوانێن دن یێن كوردان ئاشكه‌ره كر كو د سال و مه‌هێن به‌رێ ده دا نه كوشتن و ژ نوو ڤه ئیرۆ هاتییه مرنا وان ئیفشا كری یه و گۆتیه ئه‌وان خوه فه‌دایێ ئاپۆ كرن.
هه‌په‌گێ باسكێ له‌شكه‌ری یێ په‌كه‌كێ د 4 رۆژێن رابووری ده ئانگۆ ژ 26 هه‌یا 29 جۆتمه‌ها ئیسال 2023ان، ناسنامه‌یا 8 كه‌چ و خۆرتێن كوردان ئاشكه‌ره كر كو د سال و مه‌هێن به‌رێ ده كه‌تنه به‌ر ئێریشێن ئارتێشا ترك و ژ نوو ڤه ئیرۆ هاتییه مرنا وان ئیلان كری یه.
هه‌په‌گێ دیسا د په‌سنێ ڤان جوانان ده ژی گۆتی یه، وان ژ زارۆكتییا خوه ئاپۆ ناسكر و فه‌لسه‌فا ئاپۆ باندۆر ل وان كربوو له‌و ته‌ڤلی بوون، لۆما ژی ئیرۆ ئه‌وان خوه فه‌دایێ ئاپۆ كر و لاییق ده‌ركه‌تن!.
په‌كه‌كه هه‌ر رۆژ وێنه‌یێن كۆمێن زارۆك و جوانێن كوردان د مه‌دیایا خوه ده پارڤه‌دكه، زارۆكێن كو ل سال و مه‌هێن به‌رێ د به‌رخوه‌دانا ساخته ده هاتنه فه‌دا كرن و مرنا ڤه‌شارتی مایه، ل گۆری ئاگاهیێن داركا مازی، ب سه‌دان جوانێن كوردان د ناڤا رێخستنێ ده هاتنه كوشتن و په‌كه‌كێ مرنا وان ب ڤه‌شارتی هشتییه.
