پارتیا كاركه‌ران بیلانچۆیا شه‌رێ خوه یێ بێ ئه‌نجام و به‌رخوه‌دانا خوه یا ساخته یا مه‌ها جۆتمه‌هێ ئاشكه‌ره كر و ل گۆری وێ 205 له‌شكه‌رێن ترك هاتنه كوشتن. دو هه‌لیكۆپته‌ر هاتنه ئێخستن.
هه‌په‌گێ باسكێ له‌شكه‌ری یێ پارتیا كاركه‌ران، ئیرۆ رۆژا پێنجشه‌می 2/11/2023 بیلانچۆیا جۆتمه‌هێ ئاشكه‌ره كر و گۆت كو چه‌كدارێن وان 205 له‌شكه‌رێن ترك كوشتنه و 38 بریندار كرنه، دو هه‌لیكۆپته‌ر ئێخستنه. ل همبه‌ری ڤێ 12 گه‌ریلا ژیانا خوه ژ ده‌ست دا نه.
ل گۆری پارتیا كاركه‌ران، د جۆتمه‌هێ ده هه‌ر رۆژێ بێ ناڤبر 6 هه‌یا 7 له‌شكه‌ران هاتنه كوشتن!! هه‌گه‌ر ئه‌ڤ یێك راست به پێویسته كێفا هه‌ر كورده‌كی ژێ ره وه‌ره، لێ به‌لێ هه‌ر كو دچه پارتیا كاركه‌ران به‌رخوه‌دانا خوه ب ده‌ره‌وێن ب شاخ گه‌ش دكه و كوشتنا ت یێك ژ وان له‌شكه‌ران ل هۆلێ تونه.
پارتیا كاركه‌ران ژ سه‌رجه‌ما 205 له‌شكه‌رێن كو گۆتییه وێ كوشتنه، دیمه‌نێن ت یێك ژ وان ژی پارڤه نه‌كرنه و د نووچه‌یا راگهاندنا كوشتنا وان ده وێنه‌یا چه‌كداره‌كا كه‌چ یا زارۆ پارڤه‌كریه.
ده‌وله‌تا ترك و په‌كه‌كه هه‌ر ل ناڤبه‌را چه‌ند رۆژان بیلانچۆیا زرارێن هه‌ڤ رادگهینن، هه‌ر یێك دبێژه مه ئه‌وقاس كوشتنه، لێ هه‌ردو ئالی راست نابێژن و ڤێ وه‌كه شه‌ره‌كێ تایبه‌ت ل دژی هه‌ڤ دمه‌شینن و یێ كو زرارا راستین ئا ڤی شه‌رێ بێ واته دده، گه‌لێ باشوورێ كوردستانێ یه.
