وه‌كه هه‌ر رۆژ، په‌كه‌كێ ناسنامه‌یا 4 چه‌كدارێن دن ئاشكه‌ره كر كو دو مه‌هان به‌رێ ل خاكوركێ كه‌تنه به‌ر ئێریشان و ژ نوو ڤه ئیرۆ مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ، دوهـ رۆژا ئینی 3/11/2023 ناسنامه‌یا 4 جوانێن كوردان ئاشكه‌ره كر كو ل مه‌ها ته‌باخا ئیسال 2023ان ل هه‌رێما خاكوركێ یا باشوورێ كوردستانێ كه‌تبوونه به‌ر ئێریشێن ده‌وله‌تا ترك و ژ وێ ده‌مێ ڤه مرنا وان ڤه‌شارتی هشتبوو.
ناڤێن وان ووسایه:
نعمه‌ت عه‌بدوللا ژ رۆژهلاتا كوردستانێ.
سروش ئه‌مین ژ رۆژهلاتا كوردستانێ.
یادین عه‌لی ژ خارپتێ.
كاوه ئه‌حمه‌د ژ دربێسیێ.
هه‌په‌گێ به‌رێ ڤان جوانان ژی وه‌كه ب هه‌زاران جوانێن دن دایه مرنێ و د په‌سنێ وان ده دیسا ب رووقایمی گۆتییه: «ئه‌و فه‌دایێن ئاپۆ و لایقی ئاپۆ ده‌ركه‌تن»!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان پارڤه‌دكه كو د سالێن به‌رێ ده فه‌دا كرنه و پاش ده‌رباسبوونا ده‌مه‌ك درێژ ژ نوو ڤه مرنا وان ئیفشا دكه، تێ ته‌خمین كرن ب هه‌زاران جوانێن كورد مابن یێن كو په‌كه‌كێ ب ده‌ستێ ئارتێشا ده‌وله‌تا داگیركه‌ر دانه كوشتن و هێژان مرنا وان ئیفشا نه‌كربه.
