ل باژارێ قامشلۆیێ یێ رۆژئاڤایێ کوردستانێ زارۆكه‌كی دن یێ 15 سالی ژ هێلا چه‌ته‌یێن رێخستنا په‌كه‌كێ یێن ب ناڤێ جوانێن شۆره‌شگه‌ر ڤه هات ره‌ڤاندن و ته‌ڤی هه‌ولدانێن مالباتا وی لێبه‌لێ ت ئاگاهی ژێ ناهێن بده‌ستخستن.
چه‌ته‌یێن جوانێن شۆره‌شگه‌ر رێخستنه‌كه سه‌ر ب په‌كه‌كێ ڤه یه، كارێ وێ ره‌ڤاندنا زارۆكێن كوردانه ل رۆژئاڤا كوردستانێ و ب ته‌علیماتێن تایبه‌ت یێن شه‌خسێ جه‌میل باییك و ل ژێر سه‌رپه‌رشتییا مه‌زلووم عه‌بدی و رێڤه‌به‌رییا خوه‌سه‌ر ته‌ڤ دگه‌ره.
هات راگهاندن چه‌ته‌یێن جوانێن شۆره‌شگه‌ر ل رۆژا پێنجشه‌مییا رابووری 2\112023ان زارۆكێ ب ناڤێ محه‌مه‌د عه‌بدوللا حه‌مه‌د كو ته‌مه‌نێ وی 15 سالن ره‌ڤاندنه و چاره‌نووسا وێ هێژان نه‌دیاره.
مالباتا محه‌مه‌د پر هه‌ول دان و ل سازیێن رێڤه‌به‌رییا خوه‌سه‌ر و باره‌گه‌هێن په‌یه‌دێ ل په‌ی شۆپا زارۆكێ خوه چوون لێبه‌لێ ت ئاگاهی ده‌ربارێ وی نه‌كه‌تن ده‌ستێ وان.
ل رۆژئاڤایێ کوردستانێ تەڤی کو پەیەدێ سۆز دایە نەتەوەیێن یەکبوویی و رێخستنێن ناڤدەولەتی کو زارۆکان چەکدار نەکە، لێ بەلێ باسکێن لەشکەری و جوانێن شۆرەشگەر یێن گرێدایی پەکەکێ، ھین ژی زارۆکێن تەمەن بچووک تەڤلی لەشکەرکرنا ب زۆر دکن و وان دبن کامپێن لەشکەرکرنێ یێن ل ھەرێمێن د بن کۆنترۆلا خوە دە.
