سزایێ دارڤەکرنا گرتیەکی مەزھەبی یێ کوردێ خەلکێ مەھابادێ پشتی 14 سالێن ل گرتیگەھێ مای ل گرتیگەھا قزلحەساری یا باژارێ کەرەجێ ھات جێبەجی کرن.
دوھ 5/11/2023 گرتیێ مەزھەبی یێ کورد قاسم ئابەستەیێ خەلکێ مەھابادێ، پشتی 14 سالان کو د گرتیگەھێ دە مای سزایێ دارڤە کرنا وی ل گرتیگەھا قزلحەساری یا باژارێ کەرەجێ ھات جێبەجێ کرن.
رێخستنا مافێ مرۆڤ یا ھەنگاو راگەھاند، قاسم ئابەستە 14 سالان بەری نھا ژ ئالیێ ھێێزن ئەولەھیا ئیرانێ ڤە ل مەھابادێ ھاتبوو گرتن و ئەو ژ بۆ ئیتلاعاتا (ئیستخبارات) ئورمیێ ھات ڤەگوھەستن.
قاسم ئابەستە ب تۆمەتا کوشتنا عەبدولرەحیم تینا و شەش چالاکڤانێن دن یێن مەزھەبی یێن کوردێن ب ناڤێن داوود عەبدوللاھی، فەرھاد سەلیمی، ئەنوەر خزری، خەسرەو بەشارەت، کاموران شێخە و ئەیوب کەریمی ژ ئالیێ باسکێ 28 دادگەھا شۆرەشا تەھرانێ یا د سەرۆکاتیا دادوەر مەقیسە ب تۆمەتا چالاکیێن ل دژی ئاساییشا نەتەوی، چالاکیا ل دژی حکوومەتێ و ئەندامبوونا د گروبەکە سەلەفیێن ئیسلاما توند و فەسادی جەزایێ دارڤە کرنێ ژ بۆ وی ھات دایین.
قاسم ئابەستە 14 سالن د گرتیگەھێ دە گرتیبوو و تووشی نەخوەشیا پەنجەشێرێ ببوو و گەلەک جاران ژی کەتبوو گرەڤا برچیبوونێ.
