ل باژارێ قامشلۆیێ رۆژئاڤایێ کوردستانێ، ھەژمارەک کەس ژەھراوی بوون.
ژێدەرێن خوەجھی ئیرۆ 6 مژدارا 2023، دانە زانین کو ل تاخا ھلێلیێ یا باژارێ قامشلۆ، ژ بەر ڤەخوارنا ئاڤا خراب، ھەژمارەک کەس ژەھراوی بوون و تووشی زکچوون و ڤەرشینێ بوون.
ژێدەران ئاماژە پێ کرنە کو ژ بەر تەڤلیبوونا تۆرێن ئاڤا ژێرخانەیان (ئاڤا نەپاقژ و گەمار) لگەل ھێلێن ئاڤا ڤەخوارنێ یێن مالان، ئەڤ یەک چێبوویە.
ژێدەران تەکەز کرن کو زارۆک پتر راستی ڤان نەخوەشیان ھاتنە و ژ بۆ نەخوەشخانەیێن باژێری ھاتنە ڤەگوھەستن.
ژێدەران ئانین زمان تا نھا ھندەک نەخوەش د نەخوشخانەیان دە نە، چارەسەریا خوە دبینن، و ئەڤ چەندە بوو سەدەم کو خەلکێ تاخی ئاڤێ ژ بۆی خوە بکرن و ژێ ڤەنەخون.
