ل ھەرێما عەفرینا رۆژئاڤایێ کوردستانێ، پرۆسەیا دەستدانانە سەر مال و مولکێن کوردان، و گرتنا وەلاتیان ژ ئالیێ کۆمێن چەکدار ڤە، بەردەوام دکە.
مەلەک ئیبۆ، یەک ژ وان قوربانیانە کو ژ دەرێ مالا خوە یا داگیرکری ژ ئالیێ کۆمێن چەکدار ڤە، د 7 مژدارا 2023 دە ژیانا خوە ژ دەست دا.
ل گۆری ئاگاھیان، چەندین جارا ڤێ ژنا کورد ژ چەکدارێن سقوور ئەلشەمال ل گوندێ عەلی جارۆ یێ ناڤچەیا بلبلێ، خوەستیە کو مالا وێ ژێ بۆی وێ ڤەگەرینن، لێ ھەر جار وان چەکداران رەد دکرن. ژ بەر وێ یەکێ راستی جەلتا دلی ھات و بەریا کو بمرە، وەسییەتا خوە کر کو جەنازەیا وێ ژ مالا وێ یا داگیرکری دەرکەڤە، مالبات و کەسووکارێن وێ ئەو یەک ب جی کر.
ل گوندێ گەمرووکێ ژی کو گوندەکی ناڤچەیا مابەتایە، پۆلیسێن لەشکەری، 4 وەلاتی گرتن، 3 ژ وان ب تۆمەتا دەرکەتنا نۆبەرداریێ د سەردەما رێڤەبەریا پەیەدێ دە، ھاتنە گرتن و یەک ژ وان پشتی کو ڤەگەریای ھاتیە گرتن.
ژ چەند سالان ڤە خەلکێ عەفرینێ ژ دیاردەیێن چەکداری، گرتنێن بەردەوام، سەپاندنا باجێن گران و دەستەسەرکرنا مالان، دنالن و بانگا دانینا سینۆرەکێ دکن.
