بارەگەها هێزێن هەڤپەیمانیا ناڤدەولەتی یا ل دژی داعشێ ل رمێلان یا رۆژئاڤایێ کوردستانێ ب دو درۆنان هات ئارمانجکرن.
رەوانگەها سووری یا مافێن مرۆڤان بەلاڤ کر، میلیشیایێن سەر ب ئیرانێ ڤە ئیرۆ 11ێ مژدارێ ب رێیا 2 درۆنان ئێریشی بارەگەها رمێلانێ یا هەڤپەیمانیا ناڤدەولەتی ل پارێزگەها حەسەکێ کرن.
دیار کر ژی، ئەو ئێریش ژ ئیراقێ ڤە ژ ئالیێ کۆما ب ناڤێ «بەرخوەدانا ئیسلامی» هاتیە کرن و هەتا نها چ زانیاری ل سەر زیانێن وێ ئێریشێ تونەنە.
ژ نیڤێ جۆتمەها بۆری ڤە، رێخستنا «بەرخوەدانا ئیسلامی ل ئیراقێ» بەرپرسیاریا خوە ژ بەر زێدەتر ژ 25 ئێریشێن مووشەکی و درۆنان ل سەر هێزێن ئه‌مەریکی و هەڤپەیمانان ل سووریێ و ئیراقێ راگهاندیە.
بەردەڤکێ پێنتاگۆنێ پات ریدەر رۆژا 6ێ مژدارێ ئەشکەرە کربوو، ژ 17ێ جۆتمەها بۆری ڤە هێزێن ئه‌مەریکایێ ل سووریێ و ئیراقێ، راستی 38 ئێرشان هاتنە و 45 لەشکەر و کارمەند بریندار بوونە.
