سەرۆک بارزانی پێشوازی ل شاندەکە پارتیا وەلاتپارێزێن کوردستانێ کر و پیرۆزباهیا لدارخستنا کۆنگرەیا وێ پارتیێ کر و دەستخوەشی ل هەول و چالاکیێن وان کر.
ل گۆری داخویانیەکە بارەگەها بارزانی، سەرۆک مەسعوود بارزانی ئیرۆ 14ێ مژدارا 2023ان پێشوازی ل شاندەکە پارتیا وەلاتپارێزێن کوردستانێ ب سەرۆکاتیا سەرۆکێ وێ پارتیێ مستەفا ئۆزچەلیک کر.
د هەڤدیتنێ دە، سەرۆکێ پارتیا وەلاتپارێزێن کوردستانێ بەحسا بریار و پێشنیارێن کۆنگرەیا داوی یا پارتیێ کر و بال کشاند ل سەر هەول و چالاکیێن پارتیا وەلاتپارێزێن کوردستانێ یێن ژ بۆ پێشخستنا کولتور و زمانێ کوردی و پێوەندیێن وان ل گەل ئالیێن سیاسی یێن ترکیێ.
هەر د ڤێ هەڤدیتنێ دە، سەرۆک بارزانی پیرۆزباهی ل کۆنگرەیا پارتیا وەلاتپارێزێن کوردستانێ کر و دەستخوەشی ل هەول و چالاکیێن پارتیا وەلاتپارێزێن کوردستانێ کر و هێڤیا بەردەوامی و سەرکەفتنێ ژ وان رە خوەست.
پەیوەندی و هەڤاهەنگیا د ناڤبەرا هەر دو ئالیان، مژارەکە دن یا ڤێ هەڤدیتنێ بوو.
