د پێنگاڤەکێ دە کو ئارمانج ژێ دروستکرنا فشارێیە ل سەر وەلاتیێن رۆژئاڤایێ کوردستانێ، رێڤەبەریا پەیەدێ گوژمەکێ مەزن ژ پارەیان ل سەر ئۆفیسێن ڤەگوھاستن و پەڤگوھارتنا دراڤان، سەپاند.
ژێدەرێن خوەجھی ژ باژارێ کۆبانێ راگهاندن: “رێڤەبەریا پەیەدێ بریارەک دەربارێ نووکرنا مۆلەتا کارێ ئۆفیسێن ڤەگوھاستن و پەڤگوھارتنا دراڤان دە، ستاندیە”.
تەکەز کر: “ل گۆر بریارێ، دڤێت ھەر ئۆفیسەک 500 ھەزار دۆلارێن ئەمەریکی بدە رێڤەبەریا پەیەدێ و پشترە دێ 425 ھەزار دۆلاران ل وان ڤەگەرینە و دێ 75 ھەزاران وەکە گەرەنتی ل جەم خوە بھێلە “.
ژێدەران گۆت ژی: “ھەر ئۆفیسەکا کو کارێ پەڤگوھارتنا دراڤان دکە، پێویستە 50 ھەزار دۆلارێن ئەمریکی بدە و پشترە رێڤەبەریا پەیەدێ دێ گوژمێ 42 ھەزار و 500 دۆلاران ڤەگەرینە، و 7500 دۆلاران وەکە گەرەنتی ل جەم خوە بھێلە “.
د سالا 2017 دە، رێڤەبەریا پەیەدێ، 5 ھەزار دۆلار وەکە گەرەنتیا دارایی، ژ خوەدانێن ئۆفیسێن ڤەگوھاستن و پەڤگوھارتنا دراڤان ستاند، و پشتی دەرباسبوونا 6 مەھان، دەما خوەدانێن ئۆفیسان داخوازا پارەیێن خوە کر، رێڤەبەریا پەیەدێ رازی نەبوو ل وان ڤەگەرینە، و ب تەنێ بۆ چەند کەسەکێن ب سەر خوە ڤە، ڤەگەراندن.
