سەرۆکێ نوو یێ ئەنجوومەنا نشتیمانی یا کوردی ل سووریێ (ئەنەکەسێ) نێعمەت داوود رادگھینە، ئەو دێ ھەول بدن چالاکیێن ئەنەکەسێ د خزمەتا گەلێ رۆژئاڤایێ کوردستانێ دە پێتر چالاک بکن.
ئەنەکەسێ د جڤینا خوە یا داوی یا رۆژا 13 مژدارێ دە، نێعمەت داوود وەک سەرۆکێ نوویێ ئەنەکەسێ دەستنیشان کربوو، ھەروھا سێ ئەندامێن دن ژی ل دەستەیا سەرۆکاتیا ئەنەکەسێ زێدە کربوو.
د ڤێ دەربارێ دە، نێعمەت داوود راگهاند: “ئەنەکەسێ وەک چارچۆڤەیەکا سیاسی ل ھەموو جڤین و دانووستاندنێن سیاسی یێن ناڤدەولەتی ئامادە دبوون، لێ پرۆسەیا سیاسی ژ دو سالان ڤە ھاتیە راوەستاندن، ڤێ یەکێ ژی باندۆر ل کارێ ئەنەکەسێ کریە. د قۆناغا بێ دە، ئەم دێ ھەول بدن د وارێ سیاسی و پێوەندیێن دیپلۆماسی دە چالاکیێن نوو بکن.”
نێعمەت داوود گۆت ژی: “د وارەکی دن ژی، ئەم پێتر نێزیکی مللەتێ خوە بن و پێوەندیان ب سازیێن جڤاکی رە زێدە بکن. ئانکو ئەم دێ ھەول بدن کو چالاکیێن ئەنەکەسێ د وارێ سیاسی و مەیدانی دە و د خزمەتا دۆزا مللەتێ مە دە، چالاک بکن.”
