چەتەیێن پەکەکێ “جوانێن شۆرەشگەر” زارۆکەکا دن ل حەلەبێ رەڤاند

تەڤگەرا جوانێن شۆرەشگەر یا سەر ب هەسەدێ-پەکەکێ ڤە د رەڤاندنا زارۆکان دە بەردەوامە، ھەری داوی کەچەکا 13 سالی ژ حەلەبێ رەڤاند.

ژێدەرێن تایبەت دانە زانین: “رۆژا پێنجشەمبێ 16 مژدارێ، چەکدارێن جوانێن شۆرەشگەر، ئەستێر ئەحمەد ژ پێش دبستانا سەلاحەدین یا کەچان ل تاخا شێخ مەقسوود رەڤاند، و تا نھا چارەنڤیسا وێ نە دیارە”.

ئەستێر ژدایکبوویا سالا 2009 و خەلکا ناڤچەیا راجۆ یا عەفرینا رۆژئاڤایێ کوردستانێ یە.

د 8 مژدارێ دە، “تەڤگەرا جوانێن شۆرەشگەر” کەچا 13 سالی سەبریا شیار مستۆ، ژ شێخ مەقسوود رەڤاند، و د 11 مەھێ دە و پشتی فشارەکە راگھاندنی سەربەست ھاتە بەردان.

د جۆتمەھا بووری دە، چەتەیێن پەکەکێ “جوانێن شۆرەشگەر” 5 زارۆک ل باژارێن حەلەب و قامشلۆ رەڤاندنە:

–  سالین مەحموود، 14 سالی

–  سۆلین ئیبراھیم، 15 سالی

–  میراڤ عەدنان خاشۆ، 15

–  سیمێل زێدان ئیسماعیل، 14

–  عزەدین بەکری نەعسان، 12 سالی.

تەڤی کو مەزلووم کۆبانێ فەرماندارێ هەسەدێ د سالا 2019 دە، رێکەفتنەک ل گەل ڤێرجینیا گامبا نوونەرا نەتەوەیێن یەکبوویی بۆ کارووبارێن زارۆکان و لەشکەرکرنا وان ئیمزە کریە، لێ رەڤاندنا زارۆکان ل رۆژئاڤا بەردەوامە و بانگێن کەسووکارێن وان و چالاکڤان، سیاسەتمەدار و پارتیێن کوردی ژ بۆ بداویکرنا ڤێ دیاردەیا مەترسیدار، پشتگوھ دکە.